Sunkissed Orange 太陽之下新奇事
《Sunkissed Orange 太陽之下新奇事》是一個以陽光為主題的中文播客，傳遞溫暖與正能量。節目名稱意為「太陽之下新奇事」，分享生活中各種新奇有趣的見聞。主持人希望聽眾能像陽光曬在皮膚上一樣，感受到生命的熱力與活力。每一集都帶來輕鬆愉快的內容，鼓勵大家以陽光般的心態面對每一天。
单集
The Good Place -熱定身拉定筋 走出舒適圈 Part 1
Time to get yourself moving!! 要起身行動都要等時機，究竟乜嘢斷定一個時機？
The Good Place -熱定身拉定筋 走出舒適圈 Part 2
要衡量自己從乜嘢地方獲得安全感，自然可以輕鬆出走 :)
The Good Place | 小太郎一個人生活 | 父母 家庭 成長｜麻利 夢妮妲｜上
Netflix有套改編漫畫嘅【小太郎一個人生活】又有動畫版，又有真人版。入面小太郎自己一個人生活，但係裏面有好多非常細緻嘅描寫，大人成日以為細路仔乜都唔知，其實小朋友從小已經知道好多嘢，每一句說話、每一個決定，都會造成烙印。呢個故事非常之温暖，但同時會令到你睇嘅時候覺得非常之心噏。或者學習成為一個大人之前，先要學習照顧好自己內在嘅嗰一位小朋友。
The Good Place | 小太郎一個人生活 | 父母 家庭 成長｜麻利 夢妮妲｜下
Netflix有套改編漫畫嘅【小太郎一個人生活】又有動畫版，又有真人版。入面小太郎自己一個人生活，但係裏面有好多非常細緻嘅描寫，大人成日以為細路仔乜都唔知，其實小朋友從小已經知道好多嘢，每一句說話、每一個決定，都會造成烙印。呢個故事非常之温暖，但同時會令到你睇嘅時候覺得非常之心噏。或者學習成為一個大人之前，先要學習照顧好自己內在嘅嗰一位小朋友。
家族排列｜你同錢係咪好朋友？｜上
家族排列： 你同錢係咪好朋友？ 你同錢嘅關係好唔好？點解永遠左手嚟右手去？窮係咪遺傳？如何先可以突破自我價值、自我限制，同父母、祖先又有冇關係？
家族排列：你同錢係咪好朋友？｜下
家族排列：你同錢係咪好朋友？你同錢嘅關係好唔好？點解永遠左手嚟右手去？窮係咪遺傳？如何先可以突破自我價值、自我限制，同父母、祖先又有冇關係？
家族排列 | 不能缺席的家庭成員
每個人嘅屋企都有一棵家族樹，但係家族成員無論因為乜嘢原因離開人世，佢哋嘅能量都一直响度。家族成員唔係你唔提起，佢哋就會被遺忘，因為殘留嘅能量都會影響住我哋每一個人。透過家族排列，處理每個缺席嘅成員殘餘能量，搞返清楚邊啲係屬於你自己人生嘅事，我哋先至能夠自由地生活。#家族排列 #原生家庭
The Good Place |【月老】生死 執念 彼岸
有劇透！套戲都上咗一段時間，話就話係一套好好喊嘅戲，但結果其實原來愛情線都未必係最震撼嘅段落！响【月老】𥚃面生死同執念都係一個電影先有嘅支線，究竟睇咗啲乜嘢出嚟呢？咩叫做好人唔會落地獄？咩叫一念天堂？#月老 #九把刀
謝絕餵食！獨立思考！麻利 | 夢妮妲
呢個世界咁多資訊，仲係咪需要傳媒話你知你要睇啲乜嘢？獨立思想好重要！亦都係free our mind 嘅第一步！係咪乜嘢都要知先？定係可以揀自己需要知啲乜？
你嘅筆跡隱藏好多秘密！麻利 筆跡專家Maria Lam
筆跡分析係一門好專業嘅學問，你一定以為自己啲字成日都唔同，但原來點變都會透露好多自己嘅秘密！潛意識、成長、天賦才能、人際關係，咩都睇得到，非常赤裸。點解一定要用原子筆？由copybook學寫字會有咩問題？咩都有玄機！
講一世都可以嘅【自我價值】！！！麻利｜夢妮坦
以一個完全知道自己係圓滿嘅狀態，我哋成為初生嬰兒嚟到地球，點知個地球係玩扣分制！搞下搞下，經過咁多成長過程，自我價值已經低到無可再低。究竟點樣先可以提升自己對自己嘅觀感，認知到自己係值得獲得美好嘅生活，然後因此可以改變到人生嘅經歷？
自我價值影響人生所有經歷 ｜麻利 ｜夢妮妲
成日話機會係留俾有準備嘅人，究竟嗰個準備係乜嘢？就係準備好調整自己自我價值嘅定位。自我價值穩固嘅人，先知道自己值得。亦都因為知道自己值得，所以美好嘅機會同埋豐盛嘅人生先至能夠逐一校準位置，响佢哋生命路途上面出現。
一篇字講晒你份人係點，呢個世界仲有冇秘密？ | 麻利 | Maria Lam
原來識字緊要過識人，好多人表面一個性格，內裏另一個性格，偏偏寫字就會將所有嘅真性情表露無遺，究竟係咪真係咁外向？呢個人需唔需要個人空間？佢有冇好多嘢收收埋埋唔想講？佢係一個左腦思考定係右腦創意嘅人？字跡分析，淨係學下入門技巧，都已經好多嘢玩！
簽名真係改變命運㗎！ ｜麻利 ｜Maria Lam
大家都有個概念就係覺得簽名一定要簽得好複雜，否則好容易俾人哋冒簽，但其實越簽得清楚嘅簽名先至越難冒簽！同埋簽名都會顯示你個人究竟有冇數學頭腦？金錢觀念？你同屋企、家族嘅連結又如何？你做嘅所有嘢，有冇獲得支持？你份人又係唔係一個完美主義者呢？
週期性劣質drama引起的人生劇場 | 麻利 | 夢妮妲
做人真係好複雜，因為有好多事情如果你唔想面對，或者你選擇逃避，到最後就會生出好多枝節出嚟要你去應付。無論疾病、意外，或者大大小小非常戲劇性嘅事情，有機會源自潛意識無意中產生嘅「需要」。大家都會認為，邊個會想搞咁多嘢出嚟令到自己咁辛苦？但事實係人真係會從不同嘅事情入邊獲得「利益」無論係好事定係壞事，都有機會有所得着，你可以想要關心、你亦都可以想要關注，甚至只係一個逃避現實嘅機會，全部都係「利益」。當然，能夠成長蛻變都係一個好處。不如就講下我冇乜講過嘅話題，講住少少先，反正咁耐以來都未分享過🤫
量子療愈催眠技術 | 前世回溯 | QHHT
前世回溯QHHT「量子療愈催眠技術」（Quantum Healing Hypnosis Technique，QHHT）係來自Dolores Cannon的前世回溯催眠技巧，究竟會帶大家經歷啲乜嘢，同埋會解鎖咗一啲乜嘢嘅信念？進入催眠狀態之後，可以解答到好多平日以人格腦袋諗都諗唔到嘅嘢。Dolores Cannon寫過一系列非常有趣嘅書籍，《迴旋宇宙》（三冊）、《地球守護者》、《三波志願者與新地球》等等。而我嘅催眠過程究竟發生咗啲乜嘢，有啲乜嘢學習呢？希望响呢度可以同大家分享。
情緒給你的訊息｜ 麻利｜ 夢妮妲｜
提高生活覺知的其中一個方法，就是知道情緒來敲門的時候，究竟他們想對你說什麼。看懂情緒背後那一封信，自然知道自己真正的需要，也會得到排解的方法。
你同金錢傾掂數未㗎？ ｜麻利 ｜夢妮妲｜
又係一個講極都可以繼續講嘅題目，每個人與生俱來擁有豐盛，但係點解到頭來好似同錢銀關係唔係幾好呢？好好檢視下自己點用錢、點揾錢，絕對值得花時間搞掂佢，享受一個暢通無阻嘅人生。
做諮詢點做先最有效用？｜麻利 ｜夢妮妲｜
有時做咨詢過程中會覺得自己get到所有嘢，離開咗一陣又好容易打回原形，究竟以咩心態去做咨詢、點樣先可以持續受惠於所接收到嘅資訊呢？
其實，真係要你教我咩叫關愛座咩？| 麻利 | 夢妮妲 |
一個人身心狀態健康，知道點樣去愛、尊重、包容，就唔使等個世界去搞啲咩關愛座，唔使有啲咩規矩去限制啲人做人要有美德。今集有啲嘢係可能會激動少少，例如有啲咩我唔buy，希望大家有啲心理準備👽
Zero Limit Ho'oponopono covered by Lil' Ashes
搞清楚真正目標，就沒有懷才不遇｜麻利 ｜夢妮妲
人係好複雜嘅動物，因為有思想。而思想又會隱藏好多信念系統，將我哋思考嘅方式變得非常之複雜，一層一層，阻礙我哋發掘我哋真正嘅潛力。呢個世界上其實有冇懷才不遇？定係我哋誤會咗我哋想要嘅嘢？又或者我哋成日好驚人哋點睇自己，所以根本唔夠膽講自己真正想要係乜嘢？
觀察、發掘、改咗佢！唔需要複製原生家庭嘅bugs！ | 麻利 | 夢妮妲
成長實在帶嚟太多入晒DNA嘅模式，無論好唔好用，我哋都會用咗，直至到我哋發現有問題，就要將佢哋搵出嚟然後放低佢。自己人生、自己話事。
瑪雅曆之自我存在紅月年｜麻利｜夢妮妲
現已進入了新一個瑪雅曆法新年，能量的轉換非常劇烈，相信大家已經感受到，本集節目在較早前錄影，當時以預告方式，希望讓大家了解到這個自我存在紅月年 self-existing red moon並不容易，但只要提高覺知，我們可以更靈活、敏銳、柔軟地撐過去。一起加油！
腎臟掌管嘅係生命力！要好好照顧每一個身體嘅器官！
腎臟掌管嘅係生命力！要好好照顧每一個身體嘅器官！ 能量按摩係一個好奇妙嘅事，未必需要用力，最重要係帶住能量嘅流動，讓身體嘅唔同地方都可以放鬆。Adele遠赴澳洲去學習呢一個能量按摩手法，Sacred Esoteric Kidney Massage 會帶俾身體一種可以完全放鬆嘅體驗。愛自己，由照顧好自己身體做起！
瑪雅曆法第二回：今年風高浪急呀｜麻利｜夢妮妲
上集講完瑪雅曆法新一年嘅開始，跟住落嚟其實仲有好多要注意嘅地方，成日都話唔好等到跌落海先學游水，如何做足準備？
生命意義係乜？原來宇宙係要呢啲！｜麻利｜夢妮妲
成日問靈魂落嚟地球做乜？人生有乜意義？點解人要有肉身？宇宙對我有咩期望？原來就係咁簡單可以理解到成個宇宙設計係點玩！🤯🤯🤯🤯完全炸開咗個腦！希望你都喜歡呢集💙Gaia TV “Initiation “ by Matia De Stefano
燒腦系列！宇宙的七個法則！｜麻利｜夢妮妲
原來震動頻率係咁玩！做人真係唔使咁辛苦，本身宇宙嘅設計原來如此，只係我哋打緊一個冇攻略冇說明書嘅game，看似要花好多氣力探索，但知道咗呢七個法則，就可以創造更好嘅生命體驗。
估唔到Sandman睡魔咁鬼勁！｜麻利｜夢妮妲
【Sandman睡魔】開頭覺得佢又慢又靜，點知故仔寫得好厲害！一路睇一路驚呼哇頂！可以咁嘅咩！咁都諗到？咁都講得通？呢集廿幾分鐘講唔到幾多，即管講下覺得最精彩嘅部份，有劇透啊！
情感忽視這回事｜麻利｜夢妮妲
原來除咗情感勒索，仲有情感忽視呢一樣嘢，即係當你明明要好好感受情緒，轉個頭就有嘢拎走咗你嘅注意力，而且話俾你聽你嘅情緒係冇需要被照顧，彷彿轉移情緒係即刻要做嘅事。呢個行為會令我哋唔識得珍惜黃金時間，去消化我哋自己嘅情緒同感受。
心碎時刻 Heart Breaking💔｜麻利｜夢妮妲
人生總會經歷過心碎時刻，咩叫心碎，係一種點嘅狀況，碎咗又執唔執得返🥲
溝通的法則｜麻利｜夢妮妲
人類能夠用語言溝通，但係回想一下自己每日講嘅嘢、每日上網發表嘅嘢，究竟真係同人溝通緊，表達緊自己嘅想法，定係將自己處理唔到嘅情緒垃圾同埋信念系統掉出街，透過講人哋嘅嘢就唔使反思自己嘅嘢；或者透過評論別人嘅嘢，就可以鞏固自己嘅信念系統？只要多啲提醒自己，改變自己把口講啲乜嘢、改變自己上網講啲乜嘢，已經會為自己人生帶嚟好大嘅轉變，因為說話就是振動頻率，振動頻率斷定你生命中嘅每個體驗。
小我與大我 EGO & HIGHER VERSION OF ME｜麻利｜夢妮妲
小我EGO係協助我哋肯地球生活嘅人格之一，但係佢學埋學埋好多嘢，有陣時唔突破佢，或者唔穿越佢，就會阻住我哋提升自己、同埋邁向更多發展。咁究竟應該點樣轉換模式，令自己可以接觸到更高版本嘅自己？
塔羅、解夢、阿卡西，全部都係為咗認識冇限制的自己｜麻利｜夢妮妲
做人就好似被搓圓㩒扁嘅泥膠一樣，幾十年人越來越唔似貓唔似狗咩都唔係。做咨詢有時係為咗以另一個角度另一個鏡頭佢重新認識自己，重新發掘自己，重新記起自己。
犧牲定係付出？界線响邊度？｜麻利｜夢妮妲
好多人都喜歡付出，因為覺得自己咁樣會好偉大，但係人生去到某啲階段就會發現，付出不為回報其實係假象，因為我哋要嘅回報並不一定係實際嘅東西，可能我哋只係需要人哋關心、認同、或者讚賞。咁究竟過度犧牲係點樣嘅事？過度付出又係點呢？有冇一個平衡嘅位置？
付出而不索取，係順利工作嘅通行證｜麻利｜夢妮妲
做嘢之前成日諗呢樣嗰樣，其實要順利和諧，最重要係set intention！之前有個工作得到夢妮妲提醒，”to give not to take”，即刻打通咗個腦！
信念系統之自己打自己｜麻利｜夢妮妲｜
人類最複雜就係信念系統，有陣時啲呢啲信念系統極度隱藏，導致我哋不停摧毁自己一手建立嘅東西；越係想成功，越係會令自己失敗，究竟搞乜嘢呢？
每個人心裏的五十道陰影
在Netflix 看了一套頗有意義的紀錄片，心理咨詢師Phil Stutz透過他自己開發的一套系統，協助client從接納自己、尋回自己生命力開始，重拾對生命的熱情與希望。正正因為能夠接納自己，才能找到內心的平安。
以不同角度看待事情 就是你要的出路！
每個人都渴望追尋人生意義，但如果一開始已經告訴你人生意義是什麼，難道你就會心甘情願的向着這個意義一直走嗎？我們每個人都不需要大意義，只要每天每天好好的過着日子，每一個小事情都用心去經歷，自然能夠走上有意義的道路！
獨立思考之必要
呢排戴唔戴口罩又成為討論焦點，經過咗過去三年，大家培養出獨立思考嘅習慣未？
平衡物質生活與靈性生活
任何人响生命呢條道路上面，永遠都係前進當中，每一日都要努力地平衡自己，其實誠實接納已經係好好嘅第一步。唔係清心寡欲等於好高造詣，相反，人在俗世，時刻有覺知已經要俾個叻自己！
身心靈答問大會第一回
經歷了療癒之夜，有好多同學嘅提問都非常有趣，得到大家嘅允許，就以呢一個機會，嘗試解答更多嘅問題，希望你有共鳴！Q-知道自己唔識speak up，近年識得同人地溝通自己覺得唔舒服的地方，但好多時候對方唔接受我嘅溝通方法，對方從此疏遠，唔明白自己的意圖，雖然自己覺得成長成熟了同感覺更舒服了，但對方唔同步應該如何處理？Q-細個成日俾人take advantage, 或人容易恰我，到已成長嘅而家，仍然好怕俾人恰，蝕底，點解關閉唔到個結呢？
身心靈答問大會 第三回
經歷了療癒之夜，有好多同學嘅提問都非常有趣，得到大家嘅允許，就以呢一個機會，嘗試解答更多嘅問題，希望你有共鳴！Q- 如何可以輕鬆不費力地manifest 豐盛，但現實中嘅債務未完全清理好？Q- 高我是如何連結或者感受到？/ 如何連結指導靈和閱讀訊息呢？/ 如何可以得知是神聖圓滿的答案及選擇？
身心靈答問大會 第二回
經歷了療癒之夜，有好多同學嘅提問都非常有趣，得到大家嘅允許，就以呢一個機會，嘗試解答更多嘅問題，希望你有共鳴！-從事咗不喜歡嘅工作，近10年，到30歲仍然未搵到自己熱愛的，現在才轉工，像是重新開始太遲。點算？-性格比較多愁善感，亦多情緒，可以分享一下你哋有情緒時如何幫自己走出嚟？
乜嘢叫做覺知？有又點冇又點？
成日講要提高覺知、要有Awareness ，其實有乜分別？冇覺知係一個點嘅反射機制，有覺知又會點生活？
無意識跳掣溝通
人嘅習慣真係好有趣，慣性潑冷水、放負、乜都唔得、唔好，都係來自經驗創造嘅反應迴路。人生想要改變，就要喺呢個位放個哨站，觀察下自己對事情被俾出啲咩反應。
迎接新一頁 漫長的自我和解之路
人生最重要嘅事情之一，就係能夠同自己和解。我哋自細就被教育到自己係唔完美的、有好多缺點，而且點做都唔夠好。但係我哋其實唔需要完美，唔需要100分，但我哋需要誠實接納所有的自己，呢個先至係開啟豐盛道路、迎接更多幸運嘅方法。
零極限使用簡介
I’m sorry 對不起Please forgive me 請原諒我Thank you 謝謝你I love you 我愛你點解呢四句說話係樣能量歸於和諧嘅密碼？咁好用梗係要成日用，以零極限去整理生命中的起伏！
瑪雅曆法備忘錄
雖然喺唔同渠道都分享過瑪雅曆法迎接新年嘅準備，但係都不忘再聽多一次，睇睇今年應該用乜嘢心情去開放接納新轉變！
身心靈初心者 認識大天使
記得自己初初開始身心靈的學習，非常喜歡有關於大天使的知識！從大天使去感覺自己正在被宇宙支持、被宇宙保護、亦都感受被愛，是一種非常美妙的感覺。跟大家分享一下我們認識的大天使，以及我們在日常生活中如何連結他們。#大天使 #archangel零極限摺傘https://docs.google.com/forms/d/e/1FAIpQLSeq1OGOKLZ-cZIEZ-6t9wxzHGHUhmm8TzjmQvhTzYhpUXemZA/viewform
天使數字 成日都見到111 222 333⋯⋯
講開天使不如又講下天使數字，或者天使日常俾我哋嘅各種信息！通常大家都好想知見到111 222 333呢啲重複數字點解。其實每組數字或者每個天使訊息對任何人都有獨特嘅意義，所以不能夠有一個世界通用嘅解釋。不如學下點理解宇宙透過天使傳遞俾你嘅message啦～
打破慣性反應 脫離限制第一步！
得閒留意下身邊嘅人甚至係自己，會唔會係以「習慣」去俾反應？呢一個壞習慣會導致我哋不停用相同嘅思想迴路去做判斷，於是重複又重複咁樣去驗證自己嘅限制，日子耐咗就會變得非常强大，令自己更加難於接受新嘅事物同埋做出改變。
家族排列：你了解你寵物嘅經歷同感受嗎？
家族排列係一個非常之有效嘅系統，可以協助處理好多你本身唔知道點樣解決嘅事情，作為動物嘅家長，好多時佢哋有一啲情緒、行為模式可能難以解釋，透過了解佢哋嘅經歷同埋感覺，可以協助清理呢一啲創傷同壓力，令佢哋回復身心健康。嚟緊響2023年10月23號有一個寵物主題嘅家族排列工作坊，由家族排列師Sue同Brenda主理，Sue自從領養咗隻狗仔之後，亦都非常之用心地為佢做咗好多療癒，協助佢做返隻開心嘅小狗。聽聽兩位老師講下家族排列工作坊如何運作。寵物情緣 家族排列慈善工作坊http://bit.ly/3ZIdcwT
睇劇學嘢：業力點計數？ 【亞瑟府的沒落】
【含劇透】呢個導演每次拍嘅嘢都發人深省，會令人諗好多嘢，今次呢一套劇都有啲估到嘅套路，但係一樣精彩，而且到最後都真係令人反思好多。
乜嘢叫做能量交換？
人誕生在世界上已經係能量交換中，因為我哋使用地球嘅資源，但係我哋又會有嘢貢獻出去。人同人之間相處更加係能量交換。點理解自己拎緊啲咩出去交換，又如何定義價值呢？
拯救者人格
雖然大家都可能係出於一片好心想將個世界變成一個更好嘅地方，但係如果以拯救者人格去生活，就會變成有好多人需要你去幫、等你去幫，搞到自己好似好重要咁，又或者非你去做不可，做下做下就會進入犧牲，一來能量消耗好大，二來就係其實每個人都有自己嘅時間表，宇宙自有定奪，邊度有咁多人要幫？
別讓頭腦吃過量垃圾
除咗心情狀態唔好，會突然間食垃圾食物之外，原來平日狀態差少少都會hold 唔住變成盲目地俾個世界將啲資訊塞入嚟！為咗維護自己能夠有獨立而清晰嘅思考，真係唔可以坐响度人哋講乜你睇乜㗎 ！
最高興奮度和最少阻力之路
成日都會聽到巴夏嘅教導，就係話遵從你嘅興奮去行事，呢個就係讓你幸福快樂美滿成功嘅方程式。聽到呢一個講法，地球人就會諗，吓我鍾意做嘅嘢唔會有錢㗎喎？究竟應該點樣理解呢一個最高興奮度呢？
農曆新年：內在小孩是如何受傷的？
過時過節，面對咁多大人同埋所謂長輩，小朋友難免感到無所適從，回想返自己細個嘅農曆新年，大人講乜嘢小朋友都一定會受到影響，究竟我哋喺農曆新年期間內在小孩會受傷幾多次😂
氹下自己 療癒內在小孩
上集講到內在小孩好容易受傷，其實成長過程入邊應該傷過無數次，如果想開始處理一下自己受傷嘅部份，有冇啲簡單嘅嘢可以做到？
覺察自己的重複模式
想解決人生大大小小嘅課題，都先要發現佢哋就係課題，我就係有個習慣就係久唔久留意下自己有啲乜嘢事情係重複出現，令我有似曾相識嘅情緒感受，亦都因此可以開啟到療癒嘅契機！
埃及之旅：讓大地啓動你嘅蛻變！
每次去唔同嘅地方旅行，都要有一個意識理解自己即將與土地連結，所以應該會有一連串嘅學習與蛻變發生！14日响埃及真係有好多事情發生，希望可以盡量講多啲俾大家聽！
埃及之旅 自我覺察 大有大學細有細學
一個長途旅行，而且目標係以學習去出發嘅旅行，通常都會引發好多大大小小嘅課題，究竟點樣將自我覺察嘅能力擺響旅程入邊，觀察吓自己發生咩事呢？
1月1日頒獎禮教會我的事
每年1月1日樂壇頒獎禮都是一個大型心理調節現場！ 無論獲得入場券坐在台下、有機會上台、還是已經可以上台領獎，每個人定必經歷一個深情的過山車；不要放過這個日子，好好趁着這個機會去觀察自己心理狀況，為2025年 準備一個更好的開始！
點解要洗腸？
點解要洗腸？我哋嘅腸道健康非常重要，腸就好似第二個大腦一樣，佢唔好，我哋個人都會好唔清晰，情緒都會受到影響。亦都有好多人其實去廁所嘅習慣並唔健康，可能佢廁所本身已經係令佢深感壓力嘅一件事。了解吓洗腸係咩玩法先！P.s. 我哋去洗腸嘅地方响柯達大廈二期，叫SoulShine
