犯後Check Chat
兩個超級奇案迷主持，表面正常但沉迷古今中外奇案奇事，探討故事主角犯後一面，了解人性黑暗面。每集CHECK & CHAT，Instagram: crimecheckchat。
单集
EP55: 澳洲閏密欺詐自殺案｜監獄男友情人 素未謀面私定終生｜真實身份超驚人 「兇手」無罪？｜原來澳洲監獄真係可以打電話搵朋友？
今集講吓一單遠少少嘅案件～2013年，一個20歲嘅澳洲女仔Renae 墜入愛河，同心愛嘅網戀男友Brayden約定終身。不過呢個男仔嘅背景有啲特別，Renae一直以來都未見過呢個「男朋友」一面。甚至乎到佢離開世界嗰一日，佢都唔知道，嗰個同佢熱戀18個月、傳過上萬條甜蜜短訊嘅「完美情人」，背後收埋嘅真相，原來係一個令人不寒而慄嘅驚天大話。更令人絕望嘅係，呢個一手造成Renae死亡嘅兇手，法律竟然無法起訴？呢場包裹喺愛情裡嘅致命操縱，係點樣逼死一條無辜生命，進而推動改變澳洲法律呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP54: 韓國巨余洞密室殺人事件｜犯案鋪排令人毛骨悚然｜差一步的完美犯罪 可惜天惘恢恢｜知人口面不知心｜探討妒忌心態
犯後channel大突破！開台兩年嚟個大轉型！希望可以堅持到🤣咁特別嘅一集，就先講一單南韓嘅閏密case吧！2003年首爾鬧區，一對母子三人被發現慘死喺反鎖嘅屋企入面，現場毫無外人闖入痕跡，看似係一單絕望嘅母親攜子自殺案。但係，警方喺現場搵到一個俾死者緊握嘅神秘紙片，徹底翻轉偵辦方向！究竟係點樣嘅嫉妒與執念，會令兇手設下如此縝密嘅殺人機關？完美密室嘅背後，又同「閏密」有咩關係，同埋隱藏住點樣嘅人性扭曲呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP53: 韓國攝理教鄭明析案｜邪教系列第五集｜假借神之名嘅性侵惡魔｜由「信念」變成亞洲災難 揭開精神控制內幕｜
(想直接聽案情嘅可以跳去05:17)邪教系列最後一集！講邪教真係唔可以唔講呢一個！呢個聲稱自己睇過聖經兩千次嘅「救世主」，專門針對高學歷大學生同專業人士，利用看似完美嘅群體生活，慢慢蠶食信徒嘅批判思考，將集體盲從變成「信仰虔誠」。「神嘅旨意」高於一切，但背後隱藏嘅卻係精神控制、壓榨以及駭人聽聞嘅性侵醜聞。究竟呢個組織係點樣在眾目睽睽之下建立起「洗腦帝國」？當初追求真理嘅精英，又係點樣在不知不覺間成為了受害者與共犯？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP52: 奧姆真理教東京地鐵沙林毒氣事件｜邪教系列第四集｜天生殘障無阻「遠大志向」｜大量專業人士盲目追隨 策動讓日本人難以磨滅災難｜世界瞬息萬變 我們心靈空虛 ｜犯後即將迎來大變革！
（想直接聽案情可跳到05:00）邪教系列第四集！今集延續前幾集嘅疑問：邪教如何由「信念」一步步變成災難？今集講嘅奧姆真理教，係點樣以「遠大志向」包裝極端思想，甚至用個人背景去強化召喚力。更令人心寒嘅，唔係只有邊緣人物追隨，仲有大量具專業人士被吸入同一套迷思，最後竟然策動出難以磨滅嘅暴行——東京地鐵沙林毒氣事件。當世界瞬息萬變、我們心靈空虛，究竟係邊個提供咗「答案」，又係邊個將人心推向深淵？案件犯後亦隨即迎來大變革，但代價背後，仍然令人反思人性同責任。如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP51: 台灣五教共主徐少龍案｜邪教系列第三集｜聽教主唱歌可以醫百病？｜創立仙女班 禍害無數少女｜人性軟弱 連阿Nat都幾乎墮入黑魔法迷霧？
有啲邪教恐怖在於暴力，但有啲恐怖，係因為佢用溫柔、用希望，慢慢將你推向佢想要你去嘅方向——你以為你係自願入局，其實你已經被一步步引導。今集講嘅台灣五教共主徐少龍，佢似乎唔單止係「教主」，仲要係一個可以用歌聲醫百病嘅存在，而佢創立嘅「仙女班」，就成為一個收容、訓練，甚至逐漸改寫少女人生嘅場域。成件事聽落好似係神話、奇蹟，但當你知道「信」係點樣被包裝，「相信」又係點樣被要求，「疑問」點解會變成禁忌——你就會明白，呢個故事其實冇咩神秘可言，只係控制同操縱做得太精準。如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP50: 人民聖殿教集體自殺事件｜邪教系列第二集｜由夢想改變世界牧師到瘋狂教主｜點樣憑一己之力迷惑 914人赴死｜你信唔信人性本善？
邪教好多時都係令一般人不解，不解點解會有人跟得落。呢集我哋會講一個由理想開始、由神話包裝、最後一路走到絕望盡頭嘅故事：由一位自稱能夠「改變世界」嘅牧師/領袖，逐步建立起無形嘅信任、恐懼同絕對權威；再用某種近乎洗腦式嘅敘事，把信徒推入一個「唯一正確」嘅結局。 當你聽到最後嗰一步，可能你會忍唔住問：人真係會因為一句說話、一個信念、甚至一套「被告知係真理」嘅框架，就自願走去死亡？面對邪教式權力，我哋又應該點樣理解人性呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP49: 南韓五大洋集團集體自殺事件｜邪教系列第一集｜37人死喺天花板上 最後都係以集體自殺結案？｜「教主」斂財過百億韓元 死後冇人知啲錢去咗邊｜到底何謂邪教？
(想直接聽案情嘅可以跳去08:30...對的今集chit chat較多～)八十年代嘅南韓曾經出現過一個中年女子，佢自稱有罕見癌症，但不藥而癒，因此吸引咗一批相信佢就係「神」嘅追隨者。後來佢仲開咗一間叫「五大洋」嘅公司，呢間公司表面業務非常成功，仲曾經得獎，但喺裡面工作嘅人都有一堆匪夷所思嘅規矩要遵守，甚至乎要貼錢打工。不過，最恐怖嘅係，呢個女子同佢嘅一班「員工」，最後竟然集體死喺公司嘅天花板上面。。。到底呢個女子係何方神聖呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP48: 王若柏被殺案｜華盛頓特區最離奇案件之一｜兇手呼之欲出 但結果令人唏噓 ｜ 法律與情感的予盾｜審慎交友的重要性
相信大家可能都有去朋友屋企借宿嘅經驗，去得過夜正路應該都係信得過嘅朋友。有邊個會諗到，去朋友屋企借宿，會一去不返？呢單發生喺美國華盛頓特區嘅奇案，案中主角仲要係一個律師，佢去朋友屋企過夜後，第二日竟然離奇死亡，佢嘅「朋友」嘅口供更加係千奇百怪，到底嗰一晚，佢哋發生咗咩事呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP47: 日本茨城女子失蹤案中案｜日本版林過雲？｜一單盜竊案 揭開女子失蹤七年嘅真相｜馬年祝大家新年快樂 出入平安！｜兩個老餅又嚟討論法律責任同道德責任
(想直接聽案情可跳到4:45)我哋返嚟啦～～！馬年第一講來了！犯後仝人（兩條友）先祝大家馬年行大運，心想事成，馬上開心！大家有冇試過出街前留低張紙仔俾屋企人，然後就出街呢？睇電影時見過好多呢類情節，多數離家出走嘅人好似都會咁做。今集嘅主角都一樣，當年留低咗張紙俾屋企人話要出外打工之後，就冇再返過去，後來仲音訊全無，人間蒸發咗一樣。七年後嘅某一日，喺一個離呢個女仔屋企好遠嘅地方，有人報警話俾人偷咗電話，警察搵到嫌疑人之後就上門搵佢，估唔到竟然意外搵返失蹤咗七年嘅主角......如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP46: 世越號沈沒事件｜韓國50年來最嚴重海難｜人禍有時恐怖過天災｜新一年希望災難遠離 大家一切順利🌹
因為已經一段時間之前錄，傾計內容可能唔太update，想直接聽case可跳到3:34 (當然錄都錄了，都想大家聽埋啦😛)剛剛踏入2026年，首先祝大家新年快樂！新一年最重要平平安安，身心健康。人越大，越發覺好多嘢唔係必然，而每一次講奇案，都係一個俾我哋好好反省同埋反思嘅機會，去避免悲劇再次發生。2014年4月16日，世越號輪船喺前往濟州島途中沉沒，造成304人遇難，當中大部分係學生。呢件事唔單止揭露咗韓國海事安全上嘅重大漏洞，仲引發咗大家對政府同相關機構應對措施嘅質疑。事件背後嘅真相，以及呢場悲劇點樣令韓國社會對安全同責任嘅思考，開始有所改變，或者我哋大家都需要從中學習。只願新一年，大家安好，就已經足夠。如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheck
EP45: 巴西奇案主持自編自導謀殺案｜現場拍攝焦屍 一眼辨性別惹懷疑｜講到冇嘢講 自己去犯案？｜人人都追流量 唔通人人都想追流量？
做咗年幾奇案podcast channel，每個星期諗講咩case，有時真係少不免會諗：如果有一日講到冇晒案好講，咁點算呢？正常人可能會諗轉型或者最多唔講，但巴西呢個奇案主持竟然諗到自己「製造」奇案，事後仲即刻搵攝影師去搶先報導，嚟去維持佢個節目嘅人氣。到底最後警方係點樣發現佢自編自導嘅劇本嘅呢？人人都可以做KOL嘅世代，我哋應唔應該去追，又或者應該點樣看待流量呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP44: 大埔補習老師被殺案中案｜情侶合謀佈局後畏罪同殉情 動機未明｜一則廣告攞正牌氹獵物上門｜Old Seafood 分享上門補習自保小Tips
(想直接聽case可以跳到2:30)上集案件事主因為獨自上門交收而送羊入虎口，雖然大家而家都知道唔應該單獨去陌生人屋企，但事實上，有啲職業的確好難唔係單獨赴會，其中一個職業就係上門補習老師。如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP43: 上水孕婦剖腹取嬰案（犯後精選香港十大奇案 - 玖）｜扮大肚網上出post 誘騙準媽媽上門劏肚取嬰｜因一己私欲摧毀一個家庭｜網上資訊爆炸年代 多思考保平安
網絡世界嘅出現雖然的確令我哋嘅生活方便咗好多，但同時陷阱都越來越多。上網買完嘢約人交收，一個唔小心遇到騙案，俾人放飛機、俾人呃錢、貨不對辦……原來呢啲已經係小兒科，有邊個會諗到，約交收會俾人開膛破肚？咁恐怖嘅事，離我哋一啲都唔遠，2008年發生喺上水嘅呢單案，大家仲記唔記得？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP42: 福島便槽怪死事件（犯後精選－日本篇 V)｜馬桶下的人腳｜一個偷窺狂的不幸? 大量疑團未解警方就結案｜你有無特殊嘅「癮」?
又嚟到阿Nat最鍾意嘅懸案了～不過今次呢單日本懸案有啲特別，唔係一般搵唔到兇手嘅懸案，而係連單案本身係咩案，咁多年來都仲係未有定論。有人話死者係死後被人棄屍，有人話死者係因為想偷窺而發生意外致死，事隔多年，到今日都仲有好多人嘗試去理解呢一單案件到底係點發生。唔知你又有咩睇法呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP41: 北海道薄野旅館無頭屍案 (犯後精選 - 日本篇 IV)｜千呼萬喚始出來 終於審完可以講｜案情難以致信到咁都有? ｜當愛變成溺愛 可能害左個小朋友｜歡迎家長分享經驗之談
（想直接聽案件嘅話可以從3:50開始聽）如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat終於要講呢單案情非常獵奇，而且涉案人士背景同關係非常耐人尋味嘅日本case……呢單案唔單止有齊所有奇案嘅元素：酒店、身首異處、行李箱、虐屍等等，參與案件嘅竟然係一個擁有崇高社會地位嘅家庭，而佢哋之間嘅關係又好複雜，甚至可以話係超出咗常人對「家庭」嘅認知。我哋就一齊嚟聽吓呢單日本奇案啦！
EP40: 首都圈女子連續騙婚殺人事件 (犯後精選 - 日本篇 III)｜黃蜂尾後針 最毒婦人心？｜殺害伴侶後再偽裝成自殺 其貌不揚但仍有多人中「美人計」？｜阿Nat對紅姐嘅欽佩簡直有如滔滔江水
有句諺語話：黃蜂尾後針，最毒婦人心，呢句說話用嚟形容今集嘅主角 — 木嶋佳苗，應該最適合不過。佢喺一年時間內，用唔同嘅欺詐手法呃咗多位男士龐大嘅金錢之餘，其中幾個中咗佢「美人計」嘅男士，仲被木嶋佳苗狠下毒手，事後仲被刻意佈置成自殺咁樣，誤導警方調查。雖然話係「美人計」，但以一般大眾眼光睇嚟，木嶋佳苗應該可以話係其貌不揚，咁到底點解都會有咁多男士不慎中咗佢嘅迷暈圈套呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP39: 芝加哥浴室鏡子殺人事件｜精神病中年婦慘死公寓裏 死前報警稱「他們從浴室鏡子進來」｜遇到怪鄰居 你哋會點處理？
呢集出街嘅時候，Lily正身在芝加哥，所以一於出返一集芝加哥嘅奇案！1987年4月23日，芝加哥警方收到一個叫Ruthie嘅中年婦人報案，好驚咁話有人要喺佢嘅浴室鏡嗰度入嚟，所以向警察求救。雖然警察有去到佢屋企門口，但竟然過門不入，事隔一日再返去嘅時候，就發現Ruthie慘死喺屋入面。到底屋入面發生咗咩事？Ruthie講嘅說話，又到底係佢嘅瘋言瘋語，定真係……?如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP38: 東京世田谷一家滅門案（犯後精選－日本篇 II)｜20世紀日本最大懸案｜隨機入屋定早有預謀｜兇手殺完人仲賴死唔走｜名偵探Lily逐一破解?
呢單被日本媒體稱為「20 世紀最後的未解決案件」嘅日本懸案，咁多年來一直係好多人心中嘅大謎團。一單表面上睇落有非常多線索嘅案件，點解會隔咗咁耐，都仍然係懸案？隨住時間嘅流逝，真正嘅線索會徹底消失，定係可以靠日益進步嘅科技而還原返事情嘅真相呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP37: 新宿不死鳥牛郎刺殺案｜沉迷牛郎無法自拔 唯有共赴黃泉先可以擁有對方？｜為咗對方不惜出賣肉體 拍拖就一定會戀愛腦？｜阿Nat之前疑似被詐騙嘅朋友有新update！
想直接聽案情嘅朋友可以跳到7:03愛你愛到殺死你，戲都有得做，相信現實生活中冇人會想遇到恐怖情人。不過恐怖情人喺變成恐怖情人之前，又係一個點樣嘅人呢？今次奇案嘅女主角原本只係一個過住普通正常人生活嘅年輕日本女仔，而且樣子甜美，非常可愛。但係，就喺佢踏入牛郎店嘅嗰一日起，佢嘅生命軌跡從此改變。因為對方嘅幾句甜言蜜語，佢不惜下海，供養對方，為嘅就係一個對方會同自己成家立室嘅夢。可惜夢終究只係夢，就喺佢夢醒嘅一刻，佢嘅世界就崩塌了……如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
犯後一周年Q&A特別Chat｜我真係恭喜我地啊 🎉
登登登櫈！！！🎉Happy Birthday to Meeeee！眨吓眼犯後channel成立一周年啦！礙於我哋冇經費派啲咩特別嘅粉絲福利，唯有做一集特備節目，就係回答吓大家嘅提問，當係感謝聽眾們呢一年以來嘅支持啦！感謝大家踴躍提問，我哋先出到呢一集！大家嘅問題都好精彩，如果想知下面呢啲問題嘅回應，就快啲去聽啦！最深刻嘅案件係邊單？覺得有冇完美嘅犯罪計劃？覺得阿Nat（把聲）似唔似胡定欣？幾時會出樣？做podcast有冇錢收？And更多……如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP36: 元朗白沙村女童拐殺案（犯後精選香港十大奇案 - 捌）｜兩失蹤女童慘被無辜殺害 兇手稱要用「五鬼復仇術」向老婆報仇｜Lily同阿Nat細個有咩嚴格家規要守？
今集無論案情定係討論嘅部份都比平時長，因為呢單case當年實在太轟動，直到而家都印象深刻……2002年嘅12月，元朗區非常不平靜。短短兩星期入邊，有兩個10歲左右嘅女童喺元朗區失蹤，同時間，元朗白沙村入面再發生一單中年男用石油氣罐挾持自己三個年幼仔女嘅案件。幾單案嘅人物看似冇關係，邊個估到，背後原來係極為恐怖嘅「案中案」？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP35: 蘇洲雪櫃藏夫案｜犯後一周年🎉 Q&A問題徵求中...｜伴屍15個月 搬屋都帶埋條屍｜殺人動機成謎 導火線因為打賞直播主幾十萬?
近來工作繁忙，所以遲咗少少🥹希望大家唔好介意🥹🥹宜家呢個年代，相信大家可能都會有啲特別鐘意嘅YouTubers或者KOLs，不過唔知大家會唔會課金？當然適當咁課金表達支持係好事啦，但唔知大家有冇聽過有人睇直播睇到沉晒船，傾家蕩產咁去「支持」佢哋鐘意嘅主播呢？今集主角就係一個咁嘅case，因為沉迷主播而不惜「打賞」對方幾十萬，甚至將所有感情都寄託喺對方身上，以至於分唔清虛擬世界同現實世界嘅感情，最終埋下殺夫嘅伏線……如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP34: 奧地利禁錮女童綁架案｜十歲女童被困受虐八年逃脫 卻於綁架者跳軌自殺後喊到崩潰？｜拒認斯德哥爾摩症 但事後住返綁架者間屋？｜疑似案中有案 最大幕後黑手竟然係⋯⋯？
唔知大家有冇睇過一套戲叫《3096驚世拐帶》？當年睇完之後係覺得好震撼，因為真係完全唔敢相信呢套戲係改編自真人真事，3096嘅意思就係當年只得10歲嘅Natasha Kampusch總共被囚禁嘅日數。八年後，Natasha終於成功逃走，但之後發生嘅事比電影情節更誇張，甚至乎疑似有案中案……到底呢八年，Natasha係過住點樣嘅生活呢？Natasha同囚禁佢嘅綁架者之間嘅關係又有幾撲朔迷離？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP33: 美國最英俊連環殺人魔Ted Bundy (下) | 逃獄之後點發展? | 充滿自信最終坐上電椅 | 壞人無樣睇 緊記帶眼識人
歡迎返到嚟連環殺人犯Ted Bundy嘅下集！未聽上集嘅朋友快啲去聽返先，聽完你就知呢個男人嘅一生可以有幾咁荒謬！被形容為「史上最靚仔兼學歷最高」嘅連環殺人犯Ted Bundy，實際開始犯案嘅時間連警方都唔敢確實講，保守估計佢殺害至少廿六人（下集更新：最少三十人），多數為妙齡少女，最細嘅可能得八歲……到底佢係咪經歷過咩，先會變成恐怖連環殺手呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP32: 美國最英俊連環殺人魔 Ted Bundy (上) | 罪犯「狠」樣有得睇? | 專殺後生女 數量多到自己都唔記得 | 魔頭成魔之路
今集嘅主角牽涉嘅案件太多，而且案情複雜，所以犯後channel破天荒分上下集，大家記得留意埋下集啦！有人話「人不可以貌相」，又有人話「相由心生」，你信邊個呢？如果以今集嘅主角嚟睇，我諗可能就係前者啦。被形容為「史上最靚仔兼學歷最高」嘅連環殺人犯Ted Bundy，實際開始犯案嘅時間連警方都唔敢確實講，保守估計佢殺害至少廿六人，多數為妙齡少女，最細嘅可能得八歲……到底佢係咪經歷過咩，先會變成恐怖連環殺手呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP31: 日本綾瀨女高中生水泥埋屍案｜童黨極盡凌辱 殘忍虐待十七歲少女長達四十一日｜被日本民眾稱為「野獸」但主犯不足二十年已出獄｜慘劇發生 係暴力嘅原生家庭 定係冷漠嘅社會所造成？
想直接聽案件嘅聽眾可跳到03:46開始。案件發生喺八十年代嘅日本，一個只係得十七歲嘅女高中生，喺一個好普通嘅日子，經過一條平平無奇嘅街道時，就因為不幸遇上同樣都係得十七、八歲嘅年輕人，就經歷咗佢一生中最痛苦、痛苦到平常人完全冇辦法想像嘅事。到底一班禽獸做咗啲咩事，先會迫到一個女仔人生最後嘅願望係想對方殺咗自己？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP30: AV色魔案（犯後精選香港十大奇案 - 柒）｜表面純情男沉迷色情影片 幻想拍埋一份｜風化案罕有判終身｜遇上跟蹤狂自保小貼士
我哋同朋友傾偈講笑可能成日都叫對方「幾十歲人就唔好咁多 幻想」、「唔好ff」。原來ff得多，真係會出事。一個受色情影片影響嘅男人，為咗滿足自己嘅癖好，竟然跟蹤並擄走妙齡少女，強行拖到佢自己嘅「拍攝場地」一逞獸慾。佢嘅犯案地點遍佈全港，行徑惡劣到法官採取咗最嚴厲嘅懲處 — 終身監禁。如果不幸被跟蹤，到底有冇方法可以自救到呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP29: 屯門魔鬼褓姆殘殺小兄妹案（犯後精選香港十大奇案 - 六）｜年輕小伙子求愛不遂 遷怒「女神」子女｜半小時狂斬過百刀｜收兵惹禍 平等關係保平安
今集繼續講犯後精選嘅香港十大奇案系列～呢單又係一單令人心酸嘅case，因為一個情字，白白斷送兩條無辜嘅小生命。2002年7月26號，屯門安定邨一個單位發現兩具面目全非嘅小童屍體，當警方仲喺屋入面搜證嘅時候，兇手就企喺門外......到底佢同兩個小朋友有咩咁大仇口，要對佢哋狠下毒手？佢事後聲稱自己受到「挑釁」，又係咪真㗎呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP28: 德福花園五屍命案（犯後精選香港十大奇案 - 伍）｜不折不扣謀財害命｜兇手逃亡內地反被槍斃｜兇宅你敢唔敢住？
終於返嚟好耐冇講嘅犯後精選香港十大奇案啦～今集案情唔算複雜，但因為兇手犯案後故佈疑陣，而且牽涉五條人命，一度令人以為呢單係同邪教儀式有關嘅集體自殺案。到底當年兇手做咗啲咩，可以令人覺得呢單五屍命案係自殺案？兇手同五名死者又係咩關係？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP27: 新加坡陪讀家庭三屍命案｜因為食蟹而釀成三死一傷慘劇｜男性受虐情況可能遠多於官方數據 為慳錢合租是否明智？
注：其中一名事主名稱為「張夢」，非「張孟」。為咗愛情，有人可以不顧一切，不惜背負世間所有罵名，甚至連自己尊嚴都可以唔要，只為博卿一笑。但如果對方嘅笑，係對你嘅恥笑，愛嘅反面，係咪必然就係恨？今單發生喺新加坡嘅陪讀家庭命案，正正反映出當一個人愛得太過卑微嘅時候，仇恨嘅種子可能已經開始萌芽，而當心入面已經結成仇恨嘅惡果，即使只係晚飯有冇蟹食咁小嘅事，都足以帶嚟殺身之禍。如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP26: Menendez 兄弟弒親案｜兩個有錢仔要乜有乜仲想謀埋老竇身家？｜破案竟然全靠無操守醫生｜庭上爆出屋企秘密 殺人未必為錢
首先同大家講定先，因為技術問題，大家聽呢集嘅時候可能會聽到少少電流雜音，不便之處敬請見諒～🙏🏻今集係一單80年代發生喺美國嘅奇案，一對住喺富豪區嘅夫婦被殘殺，案發現場遍佈鮮血，甚至係腦漿。報警嘅係夫婦嘅兩個仔，佢哋喺案發後大肆揮霍，仲做埋生意，一度引起警方嘅高度關注，可惜一路都搵唔到證據證明佢哋同呢單咁殘忍嘅兇殺案有關。直到細仔嘅心理醫生出現，成件案先搵到突破。不過警方得到嘅證據非常具爭議性，幾乎做唔到呈堂證供，點解呢？兩兄弟又為咗乜嘢要對父母下如此毒手呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
EP25: 湖南株州滅門案｜農曆新年前遭殺害 小朋友都唔放過｜炫富惹的禍？蠢人做壞事 注定會出事
蛇年大吉！首先同各位聽眾拜個年先～祝大家蛇年行大運，飯飯都咁掂啊！
估唔到我哋嘅聽眾同我哋一樣咁重口味，之前大家喺我哋ig story嘅投票結果睇嚟，大家新蒸頭都百無禁忌，所以特別為大家帶嚟呢一集，一單發生喺農曆年前夕嘅兇案，案情惡劣到當時被湖南警方稱為「2002年湖南第一大案」。兇徒喺過年前犯案，殘忍地將一家大細殺害、甚至性侵。到底係蓄謀已久嘅犯罪，定係一時起意？點解阿Nat斷定兇徒係蠢人呢？
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP24: 美國弗吉尼亞州弒母殺父羅生門｜老夫婦遭割喉殺害 傷口深至氣管外露｜講到幾愛都假 完美演繹大難臨頭各自飛｜Lily推理小偵探上身 堅信主犯就係佢！
好耐冇講過血腥味重嘅case，而且好耐冇喺討論環節度傾案情啦。今次呢單case唔可以話係懸案，因為兩個涉案人士都承認咗同兇案有關，而且都已經服完刑，放埋監。不過兩個人多年嚟都唔承認自己係落手嘅人，其中一個兇手甚至仲得到時任嘅德國大使同前總統支持。到底係邊個嘅仇恨大到，對一對老夫婦狂斬多刀都唔夠，仲要割喉去到見到氣管嘅地步？係佢哋嘅親生女Elizabeth？定係老竇係外交官、聲稱好愛Elizabeth嘅Jens呢？
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP23: 拐子婆三年擄拐十七童被判死刑案｜為錢親生仔都賣埋｜特價機票邊有咁荀 而家偷呃拐騙都要小心
首先多謝大家支持！上集之後我哋嘅channel終於突破1000訂閱啦！🎉然後恭喜阿Nat終於成功考到車牌！馬路上又多一位好有安全意識嘅司機啦😌
好啦，今集呢單case其實都係同安全意識有關，特別係小朋友嘅聽眾。曾經哄動一時嘅余華英拐賣兒童案，2023年一審判死刑後，余華英提出咗上訴，直到上個月二審結果終於出爐。到底呢個狠心到連自己嘅親生仔都賣嘅拐子婆，咁多年嚟係點拐到咁多小朋友㗎呢？要有幾喪盡天良先做得出拐賣小朋友嘅事？再諗起最近猖獗到一個點嘅詐騙，真係希望世界會多返一點人性。
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP22: 大埔公路雙層巴士翻側事故｜2025 頭炮｜交通安全好緊要｜到底今集可唔可以突破Youtube 1000訂閱呢?
到底要有幾熱愛揸車，先會喺造成咗一單嚴重車禍、揹負住十九條人命嘅情況下，仍然希望法官准佢喺出獄後繼續揸車呢？係意外，定係人為？啱啱踏入新一年，香港以至世界各地都發生咗唔少致命嘅交通意外，希望新一年大家每日都高高興興咁出門，平平安安咁返屋企！
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP21: 法國51男集體性侵人妻案｜十年間邀數十陌生男到家中侵犯妻子｜多人以童年創傷作抗辯理由｜Lily同阿Nat有咩童年陰影？
2024年最後一集！想直接聽案情嘅朋友仔可以由02:49開始聽～
「人無法想像我們想像不到的事情」 — 的確，即使我哋作為奇案迷，喺呢單案被揭發出嚟之前，我哋都完全冇諗過呢個世界上竟然會有咁喪盡天良嘅人……法國一個已經年過七十嘅老人，竟然會落藥迷暈同自己一齊咗五十年嘅老婆，然後喺網上邀約素未謀面嘅男性去侵犯自己老婆，時間長達十年，人數多達幾十人。呢單案發生2020年被揭發，但因為犯案人數眾多，判決喺啱啱過去嘅12月19號先出爐。犯人中唔少都以自己受童年創傷影響，作為抗辯理由，到底童年創傷同陰影對一個人嘅影響可以有幾大？今集我哋都同大家分享一下我哋嘅一啲童年陰影～
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP20: 美國選美小皇后謀殺懸案｜ 三十年未解真相 到底邊個做? 戀童犯? 熟人? 定係屋企人咁心寒? ｜ 公開Lily 阿nat 細個因為外表被嫌棄｜正面童年點幫小朋友成長？ 唔好吝嗇你地嘅讚賞！
今集chit chat比較長，想直接聽案情嘅朋友可以由6:55開始聽～
人人都做網紅，唔通個個都想做網紅咩？大人會為咗滿足自己嘅慾望而做好多嘢，但小朋友就可能只係好純粹地想滿足父母對自己嘅期望。呢單懸案受害者嘅父母，多年來就一直就因為被質疑令年僅六歲嘅女兒過分曝光，而令佢招致殺身之禍。而家社交媒體咁發達，到底小朋友成長，應唔應該俾佢哋受到太多人嘅關注呢？
P.S. 片頭口誤，媽媽名為Patsy
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP19: 韓國大邱地鐵慘案｜車廂變人間煉獄 接近200人罹難｜做人應該「聽話」嗎？
搭地鐵可能係大部分人每日都會做嘅事，如果有一日，你上咗一架永遠都出唔返嚟嘅列車，你會點？2003年2月18日，本應平平無奇嘅一日，卻因為一個縱火狂徒，令韓國大邱市陷入一片漆黑之中。車廂入面嘅乘客本來有逃生機會，但最後點解去到有人疑似被燒到只剩骨灰嘅地步？到底幾時應該「聽話」，幾時唔應該？作為兩個喺人生事業上唔係好聽話嘅人，希望有聽眾同我哋分享吓你對「聽話」嘅睇法啦！
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP18: 尖東輪椅浮屍案 | 孝順仔疑生活壓力爆煲 對父狠下毒手｜睇完《破地獄》思考生與死｜愛定自私可能一線之差｜照顧者的辛酸｜名作家自殺 安樂死爭議
上集講完照顧bb嘅壓力，今集講一單同照顧老人家壓力有關嘅案件。其實呢類案件應該都唔算奇案，因為香港近年多咗好多類似嘅事件發生，大家都開始關注照顧者壓力問題。生與死本應就係人生最大嘅課題，但偏偏討論，甚至係容許討論嘅空間都好少。我哋相信一個抒發嘅出口，有時可能就係轉念嘅一個契機，多啲關心一下身邊需要照顧老人家或者係長期病患嘅照顧者，可能會少好多憾事。
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP17: 人肉打樁機虐殺嬰兒案｜官形容為悲劇 但養母最終躲過牢獄之災？｜照顧小朋友壓力雖大 家長責無旁貸
今集係開播以來第一次只係得一個人講案，唔知大家又鐘唔鐘意呢個模式呢？Anyway都希望大家唔使等咁耐呀嘛！
不過今集案情係比較沉重，因為牽涉到好細個嘅小朋友，所以大家要有少少心理準備先。案件發生喺2008年10月，一個得一歲大嘅BB女被送到醫院急症室時已經昏迷，醫生發現傷勢有可疑，於是報警。幾日後，女嬰傷重不治，庭上都有目擊證人證明女嬰係被養母虐待致死。但係最後法官嘅判決，都頗為出人意料。到底係咩原因，承認誤殺嘅養母，可以避過坐監嘅命運呢？
希望已為人父母嘅聽眾們，好好對待小朋友，仲有以身作則，因為你就係小朋友嘅一面鏡呀～
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP16: 瑜珈球毒氣殺人疑案｜到底係邊個放個瑜珈球上車？｜辯方因為一項關鍵疑點獲准上訴
今集主要內容來源於法庭已對外公布嘅批准上訴書，公眾已可於網上查閱。如果你係同案件相關嘅人士，請稍移玉步離開，唔好聽啦。
醫生嘅職責本應係救死扶傷，即使係素未謀面嘅陌生人，作為醫生，都會盡全力去拯救，呢個可以話係大家都對醫生嘅認識或者期望。但係，如果專業知識被用喺唔適當嘅地方，呢件事又可以發展成點？
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP15: 台灣芎林膠桶溶屍案｜活活打死下屬 再放入膠桶溶屍兩個月｜職場欺凌太普遍 辭職保平安？
職場欺凌本身已經係好令人髮指嘅事，去到攞埋人哋條命，到底係幾咁禽獸先做得出？台灣芎林就有兩個喪心病狂，恃住自己係受害人嘅上級，唔單止經常打罵佢，甚至乎對佢拳打腳踢，搞出人命後，仲惡劣到將受害人放喺個膠桶入面，浸咗喺鹽酸入面足足兩個月企圖毀屍滅跡。最令人心寒嘅，係佢哋被拘捕之後對警方講嘅一番說話…… 如果大家同我哋一樣，曾經目睹或者經歷過職場欺凌，聽呢集應該會好心酸同感慨。希望各位打工仔都可以有健康嘅身心。
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP14: 中國留學生江歌日本被殺案｜為護閨密被恐怖情人怒斬｜一場法理以外的道德、人情審判｜面對危險 先求自保 合情還是合理？
大家都話，幫朋友可以「兩脇插刀」，但如果真係要為朋友擋刀，你又願唔願意？
2016年，喺日本留學嘅中國留學生江歌，好心收留被前男友不斷滋擾嘅好朋友，結果卻不幸慘死喺自己屋企門前，而最令人絕望嘅係，當時佢嘅好朋友其實就喺屋入面，但直至江歌斷氣，大門一秒都冇為江歌而開過......事後江歌媽媽喺法院起訴呢位好朋友見死不救，到底法律可以點樣審判人性同道德呢？恐怖情人冇人想遇到，今集我哋就同大家講吓點樣從源頭解決！
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP13: 西貢龍尾村道士凌辱謀殺智障女案 | 以驅邪為名多次毆打襲擊 要事主破掉處子之身以免損「陽氣」？| 愚昧母親縱容神棍 法官形容罪行比兇手更嚴重！| 點解人會迷信？某種能力越低 就越迷信？
可能因為人嘅力量太渺小，呢個世界又有太多解決唔到嘅問題，所以有啲人喺遇到自己處理唔到嘅事時，就會求神問卜。如果係純粹想求個心理安慰都無傷大雅，但如果愚昧到將生活一切事物，甚至連屋企人嘅性命，都寄託喺呢樣嘢上面，往往就會引嚟好多別有用心嘅人，金錢損失事小，連累到至親要以自己嘅尊嚴、生命嚟為你嘅無知埋單，真係用一世都補償唔到。
希望各位聽眾都要引此案為鑑，我哋堅信真正嘅信仰唔會要你做超出你能力範圍同常理以外嘅任何事，包括金錢、精神、價值觀等等方面，有任何人對你提出任何奇怪要求前都要停一停！諗一諗！
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP12: 清華高材生朱令「鉈」中毒案｜女生妒忌室友才華動殺機?｜三十年不解下毒之謎｜ 兇手呼之欲出卻至今逍遙法外? ｜ Lily 阿Nat 大爆閨蜜間心底話
正義，原來有時唔只會遲到，仲可能會缺席。1994年，一個喺北京清華大學讀緊書嘅女仔，喺佢21歲生日當日，突然覺得好唔舒服，本來以為只係小病，點知原來惡夢喺嗰日先啱啱開始。呢個芳華正茂嘅大學生，喺好短嘅時間內經歷咗極大嘅身心摧殘，唔單只大量脫髮、出疹，之後竟然慢慢演變到四肢失去活動能力，喺呢三十年間，佢飽受嚴重後遺症嘅折磨，最後更鬱鬱而終。最可恨嘅係，原來呢一切，係疑似背後有人因為妒忌心作祟而搞鬼，而呢個人仲係每日都出現喺身邊嘅人……到底有咩深仇大恨，要將一個人折磨到咁嘅地步？而最後呢個人又有冇得到佢應有嘅懲罰？
P.S. Lily把聲仍然好性感，今集要繼續辛苦各位聽眾嘅耳仔啦～
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP11: 香港史上最大騙案 -「佳寧集團」詐騙案｜牽涉最少三宗命案 仲有一單係當年好轟動嘅懸案！阿Nat中咗詐騙 Lily差少少就係富二代？
1980年代，香港可以話係遍地黃金，各行各業都好興盛，基本上只要肯做，人人都搵到錢。當時好多香港人甚至希望可以喺暢旺嘅股票市場大賺一筆，又咁啱喺呢個時候，一個當時喺香港響噹噹嘅大型集團宣佈上市，呢個集團個名就叫做「佳寧集團」。但係，有邊個會諗到，呢間規模差不多等於宜家嘅新世界、新鴻基咁大嘅集團，原來只係一個騙局？背後嘅幕後大玩家係咩人嚟？呢單案最離奇嘅地方，就係佢背後牽涉嘅謀殺案，甚至有傳哄動一時嘅伊利莎伯大廈花槽藏雙屍命案都同佳寧案有關，到底係咪真？嚟到今時今日，詐騙仍然係非常猖獗，就連我哋親愛嘅阿Nat都中過招......總之一涉及錢銀嘅嘢，大家一定要小心呀！
Btw，為免悶親一啲鐘意聽外國案件嘅聽眾，下集我哋會講唔係香港嘅奇案！敬請期待！
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buym
EP10: 沙田作壆坑村溶屍情殺案 (犯後精選香港十大奇案 - 貳)｜痴心錯付 空姐慘遭軟飯王男友、情敵聯手殺害｜世紀渣男外貌協會之謎？| 試圖毀屍滅跡 輕判兇手天理難容！
雖然好多人話感情係無分對錯，但到底有冇一段感情，係值得你付上自己最寶貴嘅生命？再講，如果對方仲要係個渣男呢？呢一單發生喺80年代尾嘅情殺案，一個本應擁有大好年華嘅空姐，就因為錯愛渣男，而慘遭對方同另一個女人毒手。呢兩個喪心病狂嘅人，理應要用一世去償還呢段血債，但離奇嘅係，案件再審時，女被告竟然不惜推翻自己初審時嘅口供，將所有罪名獨攬上身，嚟換取渣男重獲自由......以為渣男會心存感激，眷戀住餘生都喺牢獄入面為自己服刑嘅女人？我哋都係唔好咁天真啦，一齊嚟聽吓渣男嘅極限可以去到邊度啦～
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP9: 天水圍滅門慘案 (犯後精選香港十大奇案第一集) | 為嫁禍老婆 不惜連自己都殺埋？兩個無辜嘅親生女兒最終亦逃唔出魔掌 但原來案發前有好多可以扭轉結局嘅機會 | 家暴行為一次都不能容忍！
首先感謝聽眾們喺我哋IG story投票，俾我哋有機會做呢個我哋犯後channel自己想做嘅香港十大奇案～係滿滿嘅愛呀！咁今集第一集，我哋就為大家回帶返一單二十年前轟動全港，甚至到今時今日，講起天水圍呢個地方，好多人第一時間就會諗返起嘅呢一單「天水圍滅門慘案」。當年報紙頭版上面嗰張看似一家四口樂也融融嘅全家幅，背後原來有三個人一直都係過住地獄般嘅生活，被逼喺家門口外嘅走廊過夜、夜晚唔可以入睡、被打至全身體無完膚......最可怕嘅係，呢一切，都係身邊最親嘅人嘅所作所為，呢個魔鬼甚至狠毒到不但只殺害晒自己嘅親人，仲為咗自保，不惜斬埋自己，試圖嫁禍俾已經被佢斬死嘅老婆......到底呢個人面獸心嘅禽獸最後結局如何？呢個家庭又係點樣一步一步走向呢個悲傷嘅結局？
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https:/
EP8: 桐生希打倒怪物母親弒母分屍悲劇｜可憐父母教育虐待子女 反抗逼害情有可原?
(P.S. 因為今條片嘅剪接係阿nat嘅處女作，唔知佢搞咩片尾有七分鐘空白咗，可以唔洗理同埋希望大家原諒一下佢:D)
開咗學先兩個星期度，已經有好多同學生有關嘅新聞，但都係令人心酸、難過嘅新聞，所以決定做多集因為失敗教育而釀成嘅慘案。成日都話教育係家庭同學校共同嘅責任，喺學校過得唔開心，可以轉校，而且都會有離開校園嘅一日，但如果被困喺一個控制欲極強嘅家庭，被逼迫到絕處嘅人，最後會走上一條點嘅路？呢個故事嘅主角活喺瘋狂虎媽嘅陰影下已經去到三十幾歲，到底係幾咁令佢絕望嘅環境，先會令佢憎恨母親到將佢殺害並分屍......？
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP7: 馬來西亞國防大學校園霸凌虐死案｜被同學監生用熨斗熨死 只因一個奇怪嘅指控？你支持死刑嗎？如果喺學校被欺凌，可以點做？
今日係開學日，相信每個父母都想自己嘅仔女開開心心去返學，平平安安咁放學。有邊個父母會諗到，自己嘅仔女會死喺一個所謂作育英才嘅地方？新學年又開始啦，我哋點都要講一講呢單發生喺馬來西亞，犯案情節極嚴重嘅校園欺凌虐死案！雖然呢件案係七年前發生，主犯本來只係被判監，但直至啱啱過去嘅7月底（podcast入面講上個月底因為我哋錄音時係八月），上訴庭法官改判絞刑！法官更形容案情嘅嚴重程度係「罕見中嘅罕見」（rarest of the rare）。到底係有乜嘢咁大仇口，會對自己嘅同學落到咁重手，將受害人活生生咁用熨斗熨死？
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP6: 法國「處女獵人」連環姦殺案｜老婆被逼成為共犯，還是真正幕後女魔頭？
今集帶大家去法國，睇一睇呢單由1987年開始發生，並持續咗十六年嘅連環殺人案。兇手專門挑選處女落手，仲一次比一次大膽，甚至利用埋老婆同自己個仔去幫自己行兇。因為受害者太多，而且犯案時間橫跨十幾年，坊間唔少人都覺得兇手嘅老婆其實係共犯，佢哋嘅口供亦都交代咗佢哋犯案後嘅變態癖好……
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP5: 居英華裔女Airbnb離奇被殺案 | 神秘「富豪」租客案發後消失 兇手犯案後一直逗留現場？阿Nat對兇手身份有獨特見解？
今集同大家check & chat嘅係一單非常近期嘅案件，事發時間係今年嘅四月。呢單案嘅案情唔算複雜，但係當中情節好離奇，兇手行兇後唔單只大膽到喺現場逗留咗幾個鐘，仲疑似假扮受害人，喺Airbnb嘅app上面同受害人男友傾偈，成件事非常之細思極恐……
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP4: 康州碎木機殺人案 ：一個人係點樣被處理到最後只剩下三安士？接近「完美犯罪」嘅案件 真係咁完美？
一連三集嘅歐美系列開始！第一單案先同大家去返80代嘅美國，呢單案堪稱係美國康涅狄格州有史以嚟最殘忍嘅命案，兇手行兇後竟然用碎木機將屍體處理到只剩低三安士，而且仲可以通過到警方嘅測謊。呢單接近「完美犯罪」嘅殺人案，最後係點樣喺「天網恢恢 疏而不漏」嘅情況下被偵破㗎呢？
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP3: 跑馬地紙盒藏屍案 | 科學鑑證疑點？歐陽炳強回應證人嘅口供反而更令人懷疑？法官原來係因為呢個原因駁回上訴？
呢一單發生喺五十年前嘅香港十大奇案之一，雖然一直以嚟都好多人討論，但最近因為新聞曝光咗當年被判謀殺罪名成立嘅歐陽炳強嘅死訊後，又再次令呢單奇案成為焦點，甚至有傳嚟緊會將呢件案翻拍成電影！一路以嚟呢單案都喺我哋心目中留低好多問號，趁住今次呢個機會，我哋睇咗更多更多嘅資料，終於解開咗好多我哋多年嚟嘅疑問！
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
IG： crimecheckchat
Follow我哋Instagram，睇更多同案件有關嘅圖片同資料啦！
EP2: 大埔寶湖花園炸屍案
可惜世界上無後悔藥。
如果真係有，所有嘢都可以重新選擇，唔知呢位一手摧毀自己家庭，令女兒失去至親嘅負心人，會唔會寧願四年前無接通𠴱個引狼入室嘅電話號碼，咁佢嘅另一半或者就唔需要付上性命嘅代價，為自己償還呢筆風流債？
雖然成日話知錯能改係美德，但不幸嘅係，並不是所有錯誤都能夠補救。
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
EP1: 屯門大興邨鹽醃屍案
拍拖、談戀愛，幾乎係每個年輕人都會憧憬嘅事。一段關係開始得開心美滿，梗係最好，但如果 一開始已經係錯嘅關係，行唔行到落去？
廿五年前，有一個本應擁有大好前途嘅美少女，就用佢嘅不幸遭遇話咗俾我哋知，有啲嘢，係唔可以將錯就錯，否則唔單止會將自己一步步推向深淵，甚至喺自己最重要嘅人面前，變成一個活生生嘅惡魔。
如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！
https://buymeacoffee.com/crimecheckchat
