奇情島

EP131 - [碎屍] 南京大學碎屍案 10月 27, 2026 00:41:24 一個城市嘅某個角落，一啲表面上消失咗嘅痕跡，係咪真係可以隨住時間而一筆勾銷？定係佢哋只係暫時沉睡，等待緊一個被發現嘅時機？一單發生喺三十年前嘅血案，一具被切割成超過兩千片嘅屍體，一個至今仍然逍遙法外嘅兇手，同埋一個破碎咗超過四份一個世紀嘅家庭。時間，究竟係破案嘅敵人，定係真相最終嘅守門人？就等我哋返到去1996年嘅江蘇省南京市，重溫呢一單南京大學碎屍案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP130 - [失蹤] 美國少女郵輪失蹤事件 10月 20, 2026 00:26:49 一個企喺露台嘅身影，喺短短半個鐘之內憑空消失。一艘載住二千幾名乘客嘅豪華郵輪，竟然點解可以令一個大學畢業、前途一片光明嘅後生女，喺家庭旅行期間突然失蹤，之後就音訊全無？究竟係意外跌落海？係預早部署好嘅出走？定係背後有更加黑暗嘅力量喺度操控一切？就等我哋返到去一九九八年嘅加勒比海，重溫呢單震驚全球、橫跨接近三十年都依然未解開嘅懸案—美國少女郵輪失蹤事件。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP129 - [墮樓] 荔枝角基真小學女童墮樓事件 10月 13, 2026 00:47:00 一個十歲嘅細路女，點解會喺返學期間突然離開課室，喺校園高處跌落嚟？點解學校發現有學生身受重傷之後，第一個反應竟然唔係打999叫白車，而係先打俾一隊距離學校成五公里遠嘅聖約翰救傷隊？點解一個受過專業急救訓練、仲係聖約翰救傷隊教官嘅副校長，會將一個垂死女童，形容為「好似瞓著咗」？呢單案件，明明發生喺學校，一個應該係最安全嘅地方，點解最後會變成一個令人心寒嘅羅生門？就等我哋返到去2013年嘅荔枝角，重溫呢一單轟動一時嘅「基真小學女童墮樓事件」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticis

EP128 - [弒母] 桐生望弒母分屍案 10月 6, 2026 00:32:28 一個三十一歲嘅女子，喺社交平台留低一句說話：「我終於打倒咗隻怪物。」但令人震驚嘅係，佢口中嘅怪物，竟然係佢嘅親生媽媽。點解一個原本喺醫院救人嘅護士，最後會親手殺死至親？而當案件真相逐步曝光之後，法庭甚至認為佢有值得同情嘅地方。究竟發生過乜嘢事，先會將一個原本夢想成為醫生嘅女仔，推向無法回頭嘅深淵？就等我哋返到去二〇一八年嘅日本滋賀縣守山市，重溫呢宗震驚全日本嘅桐生望弒母分屍案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysti

EP127 - [預言] 英國預知局預言實驗 9月 29, 2026 00:47:58 如果有一日，你發咗個奇怪嘅夢，夢見一場根本未發生嘅災難，你會唔會當一回事？如果之後有人同你講，原來喺英國曾經真係有一個官方性質嘅組織，專門收集市民嘅夢境、幻覺同不祥預感，希望藉此預測未來，甚至阻止災難發生，你又信唔信？更離奇嘅係，隨住調查愈做愈深入，佢哋發現有啲預感竟然準確得令人驚訝。而當創辦人繼續追查落去嘅時候，事情開始朝住一個連佢自己都意想不到嘅方向發展……就等我哋一齊返到一九六六年嘅英國，了解呢個至今仍然令人毛骨悚然嘅英國預知局預言實驗。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysti

EP126 - [謀殺] 藍田蜘蛛情魔案 9月 22, 2026 00:28:42 一個後生仔，點解會喺三更半夜，帶住成套攀山裝備，出現喺一棟公屋大廈外牆？點解一個睇落普普通通嘅單位，會喺凌晨傳出淒厲慘叫聲，打破晒成條屋邨原本嘅寧靜？又點解一個本來前途大好嘅年輕人，最後會選擇用最極端嘅方法處理一段感情糾紛？就等我哋返到去2007年嘅藍田，重溫當年轟動全城嘅「蜘蛛情魔」案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP125 - [謎案] 日本坪野礦泉女性失蹤事件 9月 15, 2026 00:55:37 今日要講嘅呢單案件，發生喺日本富山縣。1996年日本5月黃金週嘅一個夜晚，兩名十九歲少女揸車去靈異景點試膽，點知自此人間蒸發，連人帶車消失得無影無蹤。究竟佢哋去咗邊？係意外、係人禍，定係另有隱情？而點解事隔廿四年之後，呢單案件竟然再次震驚全日本？就等我哋返到去1996年5月5日嘅日本富山縣，重溫呢一單充滿都市傳說色彩嘅「坪野礦泉女性失蹤事件」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP124 - [求生] 九一一南塔奇蹟 9月 8, 2026 00:31:17 NordVPN優惠連結，使用折扣碼mystic 訂閱兩年方案仲加贈四個月：https://nordvpn.com/mystic⁠ .今日要講嘅呢個故事，冇兇手俾我哋追查，亦都唔係咩等住人破解嘅懸案，但佢嘅恐怖程度同戲劇性，絕對唔輸俾任何一套荷里活災難大片。廿五年前嘅一個朝早，藍天白雲，陽光普照，紐約市嘅上班族一如以往趕住搭地鐵、買咖啡、返工。但喺呢班人當中，有人親眼見到一架民航機直插世貿中心；有人喺八十幾層樓高、被烈火同濃煙包圍嘅環境之中拼命求生；甚至有人為咗救一個從未見過面嘅陌生人，而徹底改寫咗自己嘅命運。就等我哋一齊返番去2001年9月11號嘅紐約市，重溫呢一個「九一一南塔奇蹟」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https:

EP123 - [冤獄] 菲律賓鄧龍威案 9月 1, 2026 00:41:19 一個香港人，去菲律賓旅行散心，點知返唔到香港。原本只係一個預計一個月嘅旅程，最後竟然變成二十六年嘅鐵窗生涯。佢一直堅稱自己冇販毒，話自己係被人屈枉；但法庭最終判佢罪成，判處終身監禁。更離奇嘅係，隨住時間過去，案件入面愈來愈多疑點浮出水面。有證供前後矛盾，有文件同警方講法對唔上，甚至連唔少接觸過案情嘅人，都開始懷疑當年到底發生過乜嘢事。如果佢真係有罪，點解案件會留低咁多解釋唔到嘅疑團？如果佢真係冇罪，點解要等足二十六年，先至見到一絲重獲自由嘅希望？就等我哋返到去2000年嘅菲律賓馬尼拉，重溫呢宗轟動全港嘅鄧龍威案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagr

EP122 - [謀殺] 法國小格雷謀殺謎案 8月 25, 2026 00:49:30 NordVPN優惠連結，使用折扣碼mystic 訂閱兩年方案仲加贈四個月：https://nordvpn.com/mystic⁠ .一封又一封匿名信、一個又一個神秘電話，將一個原本平靜嘅家庭推向萬劫不復。一個得四歲嘅小朋友，點解會成為報復嘅對象？一個原本幸福美滿嘅家庭，又點解會一步一步墮入長達四十幾年嘅噩夢？點解警方查咗幾十年，嫌疑人卻愈嚟愈多，真相反而愈嚟愈遠？就等我哋返到去1984年10月16號，法國東部嘅孚日山區，重溫呢一單震驚全國嘅小格雷謀殺謎案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram

EP121 - [失蹤] 紐西蘭皮哈海灘連環失蹤事件 8月 18, 2026 00:28:34 喺一個距離紐西蘭奧克蘭市中心四十分鐘車程嘅地方，有一片風景如畫嘅海灘，一直都係無數遊客同本地人嘅小小天堂。但係，喺呢個如詩如畫嘅地方，竟然埋藏住一個令成個社區，甚至全國都不寒而慄嘅謎團——點解喺超過三十年入面，有六個人，特別係三位年輕女性，會喺幾乎相同嘅地點，以近乎一模一樣嘅方式，人間蒸發？呢啲係一連串令人心碎嘅巧合意外？定係有啲更黑暗、更邪惡嘅事，一直潛伏喺呢條著名步行徑嘅陰影之下？就等我哋返到去2017年3月，紐西蘭奧克蘭以西嘅皮哈（Piha），重溫呢一單交織住無數疑問嘅「皮哈海灘連環失蹤事件」。（更正：集數中指紐西蘭首都為奧克蘭，但其實應是惠靈頓 (Wellington) 🙏）感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https:/

EP120 - [謀殺] 木嶋佳苗連環殺人案 8月 11, 2026 00:46:07 呢個世界上，有啲人靠樣貌迷惑眾生，有啲人靠財富引人上釣，但如果我話你知，一個身高得一米五五、體重超過七十七公斤，外表平凡到行喺街，都冇乜人會特別望多佢兩眼嘅女人，竟然可以令無數男人為佢神魂顛倒，仲心甘情願奉上過億日圓，甚至最後賠上自己性命，你又會點睇？就等我哋返到2007年嘅日本，重溫呢一單「木嶋佳苗連環殺人案」，揭開呢個平成毒婦背後，嗰個充滿謊言、金錢同死亡嘅瘋狂世界。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticis

EP119 - [靈異] 西班牙馬德里鬼屋之謎 8月 4, 2026 01:04:14 點解一個關於屋企鬧鬼嘅傳聞，最後會變成西班牙史上唯一一宗有警方正式文件記錄嘅超自然事件？點解一個十七歲少女嘅離奇死亡，會演變成一場橫跨三十幾年嘅傳媒爭議？又點解同一個家庭入面嘅人，對同一件事竟然會有截然不同嘅講法？就等我哋返到1991年嘅西班牙，一齊重溫呢單馬德里鬼屋之謎。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP118 - [虐殺] 釜山兄弟之家福利院事件 7月 28, 2026 00:43:55 點解一個由政府出錢、警察幫手營運嘅「福利院」，可以變成一座私人嘅集中營？點解一個八歲嘅細路，只係同阿爸去一趟市區，就會俾人捉走、從此人間蒸發？明明有檢察官搵到證據確鑿，點解主犯最後嘅只係坐監兩年半咁少？而揭露真相嘅人，又點解反而要承受壓力，被迫收手？就等我哋返到去1975年到1987年嘅韓國釜山，重溫呢一單震驚世界、被稱為「韓國版奧斯威辛集中營」嘅釜山兄弟之家福利院事件。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticis

EP117 - [謎殺] 加州28號木屋四重謀殺謎案 7月 21, 2026 00:27:34 (📢📢案件涉及三個家庭的往來，容易引起混亂，請到奇情島 IG 參閱此案示意圖，讓你一目了然。)想像一下，喺一個深夜，你瞓喺朋友屋企張客房床度，隔住一道薄薄嘅牆，你聽到客廳傳出啲唔正常嘅聲——壓低聲線嘅爭執聲、啲嘢撞嚟撞去嘅聲、仲有啲好似被人掩住口鼻嗰種呼叫聲。你會點？起身出去八吓？定係扮冇聽到，拉好張被繼續瞓？如果你揀咗後者，瞓到天光，一打開房門，你又會點面對客廳入面，可能已經變咗地獄一樣嘅情況？就等我地返去1981年，美國加州北部一個細到地圖都未必會標示嘅山區小鎮，重溫呢單糾纏咗成四十幾年，充滿血腥同埋令人心寒嘅謎團——加州28號木屋四重謀殺謎案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924z

EP116 - [藏屍] 北角吊櫃藏屍案 7月 14, 2026 00:43:51 一個後生仔收工之後，人間蒸發。冇人知佢去咗邊。幾日之後，警察四日前先至搜過嘅單位，竟然傳出屍臭。大家打開門，臭味來自一個離地兩米二嘅吊櫃。個櫃變成一個密室，而佢就死喺入面。究竟成件事係意外？係謀殺？定係一單永遠解唔開嘅謎？就等我哋返去一九八五年嘅北角和富中心，重溫呢一單轟動全城嘅「吊櫃藏屍案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP115 - [爆炸] 南韓大邱上仁洞煤氣爆炸事故 7月 7, 2026 00:26:21 韓國大邱巿一個尋常嘅星期五朝早，學生趕住返學，大人趕住返工，一切如常。但係有冇人諗過，腳下嘅地面隨時可以變成吞噬一切嘅深淵？一條隱藏喺地底、唔應該出現喺嗰個位置嘅喉管，一個因為趕工而魯莽嘅決定，再加上一連串嘅疏忽同延誤，點樣可以喺二十二分鐘之內，將一個繁忙嘅十字路口變成煉獄？就等我哋返到去1995年4月28號，韓國大邱廣域市嘅上仁洞十字路口，重溫呢一單「大邱上仁洞煤氣爆炸事故」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/myst

EP114 - [禁錮] 奧地利娜塔莎密室綁架案 6月 30, 2026 00:45:54 一個十歲嘅女仔，點解會喺光天化日之下，喺返學途中人間蒸發？一個工程師，點樣可以喺自己屋企嘅地底，建造一個連警察上門都搵唔到嘅秘密囚室，仲要將一個人困喺入面足足八年半？而當呢個女仔終於逃出生天，點解社會對佢嘅反應唔係同情，反而係質疑、攻擊，甚至仇恨？佢究竟係一個無辜嘅受害者，定還是喺佢嘅故事入面，其實仲隱藏住啲不可告人嘅秘密？就等我哋返到去1998年嘅奧地利維也納，重溫呢宗震驚全球嘅「娜塔莎密室綁架案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://li

EP113 - [怪死] 福島便槽怪死奇案 6月 23, 2026 00:27:09 一個正值盛年嘅後生仔，點解會喺嚴冬時節，上半身冇着衫，縮埋一舊，困喺一個只得三十幾厘米闊嘅化糞池入面，而一隻鞋喺佢嘅頭頂，另一隻鞋就喺幾百米外嘅河堤度？佢架車就泊喺附近，車門冇鎖，車匙仲插住。究竟嗰晚，化糞池入面發生過啲乜嘢事？就等我哋返到去一九八九年二月二十八號嘅日本福島縣，重溫呢一單被譽為日本犯罪史上最離奇嘅「福島便槽怪死奇案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP112 - [斬殺] 深水埗安安幼稚園斬人案 6月 16, 2026 00:45:27 四十幾年前嘅一個六月天，長沙灣元州街邨嘅街坊，好似平時咁買餸、湊仔、返工，一切都好似冇乜特別。安安幼稚園入面，幾十個得嗰幾歲大嘅小朋友，正開開心心唱緊〈世界真細小〉。但就喺歌聲唱到最響亮、最開心嗰一刻，地獄嘅門就打開咗。一個後生仔，雙手各揸住一把刀，突然之間衝入課室。本來充滿笑聲嘅唱遊室，一下子變咗修羅地獄。呢一日，究竟係乜嘢，令一個同邨住嘅後生仔，會對住一班手無寸鐵嘅小朋友如此狠毒？就等我哋一齊返到去1982年6月3號，九龍深水埗元洲街邨，重頭講返呢單震驚全港嘅「安安幼稚園斬人案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticisla

EP111 - [滅門] 意大利卡烈達家族滅門案 6月 9, 2026 00:34:24 一個意大利家庭，點解會喺暑假旅行之後集體人間蒸發？點解一個連隻烏蠅都唔敢拍死嘅內向男子，會成為成單案最關鍵嘅人物？係咩嘢驅使佢喺失蹤十年之後，突然喺全國電視觀眾面前，親口講出一個收埋咗十年、令佢難以啟齒嘅驚人秘密？就等我哋一齊返到去 1989 年意大利帕爾馬帕爾馬，重溫呢一單震驚全國嘅卡烈達家族滅門案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP110 - [謎案] 英國銀人目擊事件 + 兩週年 Q&A 6月 2, 2026 01:08:23 喺七十年代英國一個小鎮嘅某一晚，一名男子放咗工，正揸緊車返緊屋企。佢返屋企嘅路，係一條普通到唔普通嘅公路，旁邊除咗一個核設施之外，就乜野都冇。不過，佢沿途見到一個好高嘅影企咗喺路邊。究竟嗰個影係乜嘢嚟？點解佢會出現喺核設施隔籬？嗰晚之後，嗰個人嘅身上又留低咗啲乜嘢，永遠唔會消失嘅嘢？而最令人心寒嘅問題係：佢最後到底有冇事呢？就等我哋返到去1978年嘅英格蘭禾寧頓，重溫呢一單充滿謎團嘅「銀人目擊事件」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://lin

EP109 - [謎案] 怪人二十一面相謎案 5月 26, 2026 00:30:22 一九八四年一個平凡嘅星期日夜晚，一個嘅日本大集團社長，點解會俾三個持槍嘅蒙面賊，從自己屋企嘅浴室裡面，就咁樣全裸咁俾人擄走？而最奇怪嘅係，當呢個社長奇蹟生還之後，點解呢班匪徒竟然搖身一變，成為咗挑戰成個日本警察、甚至玩弄全日本國民嘅「劇場型犯罪」天才嘅呢？就等我哋返到去1984年3月18號，日本兵庫縣西宮市，重溫呢一單至今仍未破解、令日本警察顏面盡失嘅——日本怪人二十一面相事件。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/myst

EP108 - [分屍] 曼谷天才醫學生分屍女友案 5月 19, 2026 00:40:44 一個被譽為天才嘅醫學生，點解會親手毀掉自己嘅前程？一個廿二歲嘅後生女，到底做錯咗啲乜嘢，要被人用最殘忍嘅方法對待？一段表面睇落好普通嘅情侶關係，點解最後會演變成震驚全國嘅分屍慘案？就等我哋返到一九九八年嘅泰國曼谷，重溫呢一單「曼谷天才醫學生分屍女友案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP107 - [冤案] 冰島無屍冤案 5月 12, 2026 00:30:05 點解一個神智完全正常嘅人，會喺一份承認自己殘酷殺害陌生人嘅供詞上面簽名畫押？當代表絕對權威嘅執法者，日以繼夜咁否定你腦海中嘅記憶，一個人對「真實」嘅防線可以撐到幾耐？喺絕望同孤立無援嘅深淵入面，我哋嘅大腦又會點樣欺騙自己去換取片刻嘅喘息空間？就等我地返到去1974年嘅冰島，重溫呢一單冰島無屍冤案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP106 - [失蹤] 沙田吳凱琳失蹤案 5月 5, 2026 00:43:51 一個八歲嘅細路女，喺自己住嘅屋邨樓下公園玩，會有咩危險？點解一個讀緊二年級、成績優異、從來唔會同陌生人講嘢嘅乖乖女，會喺哥哥眼皮底下，消失得無影無蹤？點解佢失蹤之後，佢阿媽不停發夢，夢見同阿女下落有關嘅情節呢？又點解呢個夢，一年半之後，竟然同現實一模一樣？究竟係報夢，還是純屬巧合？就等我哋返到1983年嘅沙田，重溫呢一單曾經轟動全港嘅，八歲女童吳凱琳失蹤案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP105 - [爆炸] 武漢公車爆炸案 4月 28, 2026 00:25:25 一個情人節嘅早上，點解一架滿載乘客嘅巴士會突然炸到飛起，殘肢散落長江大橋？點樣從二百幾塊血肉模糊嘅碎片入面，拼湊出真相？點解十六個死者裏面，有兩個一直冇人認領，連警方都搵唔到佢哋嚟自邊度？就等我哋返到去一九九八年二月十四號嘅湖北省武漢市，重溫呢一單當年震驚全國嘅「武漢公車爆炸案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP104 - [謀殺] 紐約長島連環殺人案 4月 21, 2026 00:46:01 一個風平浪靜嘅海岸度假小鎮，點解會一夜之間變成全美國最驚慄嘅亂葬崗？一個原本只係為咗搵一個失蹤女子而進行嘅普通搜索行動，點解會揭發出犯罪史上最駭人聽聞嘅連環殺人案之一？警方明明手上握住線索，點解呢單案依然可以懸而未決十幾年，搞到人心惶惶？就等我哋返到去二零一零年嘅紐約長島，重溫呢一單轟動全球嘅「紐約長島連環殺人案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP103 - [邪殺] 新加坡驅魔挖眼案 4月 14, 2026 00:25:31 宗教信仰，係咪真係可以令一個人將其他人活生生折磨致死？當你最深愛嘅人，突然間話你係魔鬼嘅化身，你會選擇離開，定係繼續留低試圖拯救佢？一個喺雲頂高原接受求婚、滿懷幸福嘅後生女，點解會喺短短幾日之後，變成一個身中四十幾刀、雙眼被活生生挖走嘅冰冷屍體？嗰啲散落一地嘅鐵鎚、開罐器、同埋纏繞喺頭髮上嘅金屬湯匙，究竟係一場血腥嘅殺戮，定係一個瘋子眼中所謂嘅「神聖儀式」？就等我哋返到去2012年3月嘅新加坡裕廊西，重溫呢一單「驅魔挖眼案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc

EP102 - [謎殺] 德國 YOG'TZE 案 4月 7, 2026 00:42:12 今集要講嘅，有人話係德國犯罪史上最詭異嘅案件。一個男人，點解會喺臨死之前，突然寫低一個世上從來冇出現過嘅詞語？點解佢會喺深夜失蹤幾個鐘，完全冇人知佢去咗邊？點解佢最後被發現嘅時候，會係攤喺自己架車嘅乘客位？最離奇嘅係，佢臨斷氣之前，竟然同救佢嘅人講，車上面仲有四個人，而佢哋唔係佢朋友。呢四個究竟係人定係鬼？係救命恩人定係殺人兇手？就等我哋返到去1984年10月嘅前西德，重溫呢一單號稱德國犯罪史上最詭異、最耐人尋味嘅案件——「YOG'TZE」案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @m

EP101 - [空難] 日航123號班機空難 3月 31, 2026 00:25:21 一趟滿載歸心似箭嘅旅客嘅航班，喺起飛後十二分鐘，突然傳嚟一聲爆炸咁嘅巨響，之後仲喺天上面同死神搏鬥咗足足三十二分鐘。機上嘅人，由一開始嗰種措手不及嘅驚惶，到後尾變成絕望同無助，中間經歷咗一段漫長又痛苦、足足半個鐘嘅時間。呢場震驚全世界嘅空難，究竟係一場冇可能預測嘅天災，定係由一連串人為疏忽嘅必然人禍？就等我哋返到去1985年8月12號傍晚嘅東京羽田機場，再次揭開呢一單喺世界航空史上，死傷最嚴重嘅單一飛機事故——「日本航空123號班機空難」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mystici

EP100B - [失蹤] 加茂前雪失蹤之謎 (下) 3月 25, 2026 00:58:15 一件本來已經夠晒離奇嘅失蹤案，喺三年後竟然收到一封充滿「北國密碼」嘅奇怪信件，十二年後仲有個「攣毛男」打嚟自報家門？呢啲碎片到底係真兇嘅挑釁，定係受害者同知情者發出嘅求救訊號？係北韓綁架、奧姆真理教、定係身邊熟人所為？今集會拆解呢單案件背後四大毛骨悚然嘅理論。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP100A - [失蹤] 加茂前雪失蹤之謎 (上) 3月 24, 2026 00:50:55 此案被譽為日本「三大神隱事件」之一，詭異程度絕對令人心寒。1991年，三重縣8歲女童加茂前雪，喺爸爸喺房瞓緊覺嘅一個鐘入面憑空消失。現場留低一杯飲咗一半、仲暖嘅熱朱古力，但佢最愛嘅單車同大褸都冇帶走。到底邊個令佢連朱古力都唔飲埋就急急腳出門？三年後嗰封充滿亂碼、提到「八寒地獄」同「腿張開」嘅奇怪信件，又隱藏住啲乜嘢驚人真相？感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP99 - [藏屍] 尖沙咀 Hello Kitty 藏屍案 3月 18, 2026 00:53:13 一隻陪伴無數人成長嘅Hello Kitty公仔，可以點樣同人性最黑暗嘅一面扯上關係？一個看似普通嘅錢債糾紛，點樣會演變成一場長達一個月、挑戰人類想像極限嘅殘酷折磨？當一單兇案嘅大部分證據都隨住被害人嘅屍體一齊消失，法律嘅天秤又要點樣去衡量公義？就等我哋返到去1999年嘅尖沙咀，重溫呢一單轟動全城、細節至今聽起嚟仍然令人心寒嘅「Hello Kitty藏屍案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP98 - [冤案] 內蒙呼格吉勒圖冤案 3月 17, 2026 00:26:25 1996年4月9號，兩個喺中國內蒙古嘅後生仔，喺返屋企嘅路上發現咗一具屍體，佢哋跑去警局報案，點知反而被當成兇手。點解兩個後生仔報案會變成殺人犯？點解一個不雅笑話可以換來死刑？究竟係乜嘢原因，可以令一個無辜嘅生命喺18歲，被送上刑場？呢一切究竟係點發生？就等我哋返到去1996年嘅中國內蒙古，重溫呢一單內蒙呼格吉勒圖冤案。感謝大家支持。You may support the channel with a coffee :)☕ https://buymeacoffee.com/mysticislandjc📱 Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP97 - [劫殺] 銅鑼灣巨鑽劫殺案 3月 11, 2026 00:45:20 喺上世紀90年代嘅香港，曾經發生過一單令人匪夷所思嘅鑽戒劫殺案。俗語話「財不可露眼」，如果戴住貴重飾物招搖過市，俾不法之徒睇上嘅話，除咗會招致財物損失，仲有可能惹來殺身之禍！一對分別戴住10卡同8卡鑽戒嘅孖生姊妹，去銅鑼灣探阿媽時，就遇上亡命劫匪——點解劫匪會咁清楚佢哋嘅行蹤？𨋢入面明明有目擊者，點解最後剩係得兩姊妹同劫匪搏命？更離奇嘅係，落網嘅劫匪竟然話當年係屈打成招，究竟警方有冇拉錯人？就等我哋返到去1998年嘅銅鑼灣，重溫呢一單「銅鑼灣巨鑽劫殺案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram

EP96 - [謀殺] 西班牙華裔養女被殺案 3月 10, 2026 00:26:11 2013年，一名被西班牙夫婦收養嘅13歲中國女童突然失蹤並遭到謀殺，被棄屍荒野。經過調查，喺女童遇害之前，佢好有可能遭遇咗灌藥性侵。而令人難以置信嘅係，佢嘅西班牙養父養母居然成為嫌疑人。咁到底，呢名女童究竟經歷咗啲咩？呢對西班牙夫婦同女童嘅死，又有啲乜野關係呢？就等我地返到去2000年嘅中國湖南，重溫事情發展嘅經過。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP95 - [斬首] 順利邨斬首案 3月 4, 2026 00:40:39 雖然古語有云，「虎毒不吃兒」，但睇怕呢句說話，並唔能夠用喺今集嘅主角，李志騰身上。喺2005年嘅觀塘順利邨，六十八歲嘅李志騰因為疑心重、自卑感作祟，導致患上妄想症，出現精神錯亂，最後竟然狠下毒手，親手殺死自己嘅親生女。而最恐怖嘅係，死者嘅頭顱，至今仍然未被搵返。喺事件背後，亦都揭示一段中港婚姻，夫妻、子女長期分隔，喺缺乏溝通下，壓抑情緒無法疏導，引爆成社會悲劇。咁到底，成件事情嘅來朧去脈係點嘅呢？就等我哋返到去 2005 年嘅觀塘順利邨，重溫呢一單慘絕人寰嘅「順利邨狂父斬首案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticisland

EP94 - [邪教] 德州大衛教韋科圍城慘案 3月 3, 2026 00:30:47 上世紀五十年代末嘅美國德州，有一個男仔出世，佢嘅人生軌跡後來會同一場震驚全球嘅對峙同大火緊緊纏繞。呢個人點樣由一個被欺凌、被遺棄嘅少年，一步步變成一個自稱可以同上帝直接對話嘅領袖？佢點樣用一本聖經同滿屋槍械，建立一個完全聽命於佢、與世隔絕嘅王國？呢個王國入面，人嘅日常生活可以變得幾荒謬同壓抑？最後，點樣會引嚟國家機器嘅鐵拳，喺一片火海同電視直播之下，造成幾十個無辜性命嘅悲劇？就等我哋返到去1959年，重溫呢一單複雜而沉重嘅大衛教韋科圍城慘案。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 http

EP93 - [藏屍] 鑽石山帆布袋藏屍案 2月 25, 2026 00:39:38 1980年2月20日，農曆大年初五，過年氣氛仲好濃厚，但對陳家而言，惡夢已經悄然揭幕。16歲嘅女中學生陳慧敏，同屋企人講咗一句好平常嘅話：「我約咗同學去買波鞋。」之後，就永遠冇再返屋企。一個平凡嘅下午，一次普通嘅外出，點解會成為永別？佢離開家門之後，究竟去咗邊？見過乜嘢人？又遇到咩事？就等我哋返到去1980年嘅鑽石山，重溫呢單「鑽石山帆布袋藏屍案」。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc🌳 https://linktr.ee/mysticislandjc

EP92 - [謎案] 費城箱中男孩謎案 2月 24, 2026 00:28:31 今日要同大家講嘅，係一單美國史上最離奇、最令人心痛嘅案件之一。你有冇諗過，點解一個男童嘅遺體就咁赤條條咁被人掟喺荒山野嶺入面嘅紙皮箱？警方當年派出咗幾十萬張街招，張貼喺費城每一個角落，希望有人認得佢。但結果係——冇人認得，冇人報案，冇人承認失去咗一個小朋友。佢，就好似從來冇存在過。最令人不安嘅，係兇手竟然幫佢清潔身體、剪指甲，甚至整理遺容。呢份詭異嘅「細心」，到底係出於悔意？定係背後仲有更黑暗、更恐怖嘅真相？就等我哋返到一九五七年二月，美國賓夕法尼亞州費城，重溫呢單纏繞咗世人超過半個世紀，令人心酸又極之詭異嘅「箱中男孩」命案。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8

EP91 - [求生] 湯加少年奇幻漂流 2月 17, 2026 00:26:33 如果我話你知，有六個十幾歲嘅男仔，被困喺一個與世隔絕嘅荒島足足十五個月，你估個結局會係點？係咪會有人爭做大佬，拉幫結派，最後自相殘殺？定係唔單止全部人齊齊整整生存落嚟，仲建立咗一個有秩序嘅小社會？聽落好似童話，但呢個係發生喺南太平洋嘅真事，震撼到後來有學者話，呢件事係對現代社會最黑暗想像嘅一次完美反擊。咁，究竟呢六個湯加少年，點樣喺絕境中創造奇蹟？就等我哋返到去1965年，南太平洋嘅湯加，重溫呢個被譽為「現實版烏托邦」嘅湯加少年奇幻漂流。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https:

EP90 - [綁架] 橫田惠被綁架事件 2月 10, 2026 00:44:42 四十九年，可以令一個國家由戰後廢墟變成經濟強國，可以令科技由大型電腦飛躍到人工智能。但原來，四十九年，唔足以令一個被人綁架嘅十三歲女仔，平安返到屋企。二百米嘅行人路，點解會變成橫跨半個世紀嘅不歸路？係邊個，可以將一個活生生嘅人，當成語言教材同國家資產，喺地圖上徹底抹走？就等我哋返到去1977年，日本新潟市，重溫呢單橫跨兩代人、至今仍然令人黯然嘅「橫田惠被綁架事件」。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee/mysticislandjc

EP89 - [邪殺] 越南天靈蓋邪術連環殺人案 2月 3, 2026 00:25:25 當你聽到「刀槍不入」、「呼風喚雨」呢啲字眼，你第一時間會諗起咩？係武俠小說入面嘅絕世高手，定係神話故事入面嘅神仙？如果我同你講，有人為咗追求呢啲超自然力量，不惜用最殘忍嘅方法去奪人性命，你覺得係瘋狂，定係愚昧？喺越南湄公河三角洲深處嘅水鄉入面，到底係乜野嘅原因，會孕育出一個令成條村都信服嘅所謂「神醫」？當善良同愚昧交織，最後又會釀成幾大嘅悲劇？就等我哋返到去1995年，越南新平鄉，呢個平靜嘅水鄉，重溫一單曾經轟動全國嘅天靈蓋邪術連環殺人案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mystici

EP88 - [綁架] 加州校巴綁架案 1月 27, 2026 00:41:11 當你睇見校巴緩緩駛過街角，小朋友開開心心咁落車，你會諗起咩？係放學後嘅自由自在，定係童年無憂無慮嘅回憶呢？不過，假如有一日，成架校巴連同成班小朋友喺你眼前消失，二十七個人好似人間蒸發咁冇咗蹤影，你又會點樣面對？究竟係邊個令呢件事情發生？而最後，呢架校巴入面嘅人又會唔會吉人天相呢？就等我哋返到去1976年美國加州喬奇拉巿，重溫呢一單「加州校巴綁架案」。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee/mysticislandjc

EP87 - [謎屍] 澳洲阿德萊德薩默頓男子之謎 1月 20, 2026 00:30:48 今日同大家講一個海灘上嘅神秘男屍。佢著住成套西裝，瞓喺沙灘，望落好似好安詳。但佢已經冇咗呼吸。佢身上冇銀包，冇身份證。最奇怪嘅係，佢所有衫褲上面嘅標籤，都被人用利器剪到一乾二淨。幾個月後，警方搵到一張紙碎，上面寫住兩個神秘嘅文字，打開一個更深、更黑暗嘅謎團大門。一個冇名冇姓嘅男人，點解會成為澳洲歷史上最耐人尋味嘅一頁？點解多年過去，仲有無數人為咗佢嘅身份同死因爭論不休？就等我哋返到去1948年12月嘅澳洲阿德萊德，重溫呢一單薩默頓男子之謎。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mystici

EP86 - [姦殺] 吉隆坡洪美鳳姦殺案 1月 13, 2026 00:38:31 你哋有冇試過細個嗰陣，媽媽俾幾蚊你，落街買自己中意嘅零食呢？對於住喺吉隆坡怡保路嘅洪美鳳嚟講，1987年4月12號，本來就係一個咁普通嘅星期日朝早。點解呢個9歲細路女，喺光天化日之下，只係喺街度等咗哥哥十分鐘，就會無聲無息咁消失，然後被棄屍？究竟係乜野人咁狠心，會對一個細路女狠下毒手？真兇究竟係邊個呢？就等我哋返到去1987年，馬來西亞首都吉隆坡，重溫呢單震驚全馬嘅「洪美鳳姦殺案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/my

EP85 - [冤案] 袴田巖冤案 1月 6, 2026 00:27:45 喺2024年9月26號呢個風和日麗嘅日子，日本靜岡法院入面，正上演緊一場震撼人心嘅世紀大審判——位91歲嘅老人家袴田秀子，用咗整整58年光陰，終於為細佬討回清白。究竟係點樣嘅冤獄，可以橫跨半個世紀？點解一個曾經風光嘅拳擊冠軍，會一夜之間變成死囚？乜嘢「鐵證」能夠令人蒙冤58年？而一位年過九十嘅家姐，又憑乜嘢毅力能夠堅持半世紀追尋真相？就等我哋返到去1966年日本靜岡市，重溫呢一單「袴田巖冤案事件」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://link

EP84 - [求生] 美國母女伊朗生死逃亡記 12月 30, 2025 00:34:02 當你以為同最親密嘅屋企人去旅行，點知原來係一趟有去無回嘅不歸路，你會點面對？困喺一個語言不通、法律唔保護你、連自己國家都幫你唔到嘅地方，每日面對暴力同恐嚇，係咪就等於絕望？而一個媽媽為咗個女，可以爆發出幾驚人嘅意志？要幾大嘅勇氣，先敢將自己同個女嘅性命，交託俾一班陌生人？就等我哋返到去1984年夏天，美國密歇根州一個平凡嘅家庭，重溫呢一單轟動全球、改編成電影嘅真實事件：美國母女伊朗生死逃亡記。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.

EP83 - [失蹤] 法國梅希諾一家平安夜失蹤事件 12月 23, 2025 00:38:37 喺多年前某一個聖誕平安夜，有一家人同朋友聚會完之後，揸車返屋企途中竟然成家人間蒸發，連揸緊嗰架車都完全消失埋。成件事只係發生喺短短十分鐘車程之內。警方展開長達半個世紀嘅調查，呢單係法國自1900年以來最出名嘅家庭失蹤案，被法國傳媒稱為戰後最令人費解嘅案件，甚至可能係司法史上獨一無二嘅事件，事實真相究竟係點？呢家人嘅消失，究竟係意外定係有人精心佈局？點解連一啲線索都搵唔到？係唔係有人講緊大話，將調查引入歧途？就等我地返到去1972年法國西南部嘅夏朗德省，重溫呢單被稱為戰後最令人費解嘅梅希諾一家失蹤案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 h

EP82 - [藏屍] 牛頭角灶底藏屍案 12月 16, 2025 00:24:32 今集要講嘅，係一單發生喺七十年代嘅牛頭角，曾經震撼全港嘅奇案。一灘離奇出現嘅血水、一個用水泥封實嘅灶底，仲有一名失蹤人口，三樣嘢表面上冇乜關係，但背後其實埋藏住一段令人毛骨悚然嘅故事。而案發單位，之後仲傳出唔少靈異事件——女人嘅喊聲、腐爛嘅臭味、深夜廚房傳嚟奇怪聲響……究竟係冤魂不散？定係人心作祟？就等我哋返到去1975年嘅九龍，牛頭角下邨第九座，重溫呢一單牛頭角灶底藏屍案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mystic

EP81 - [碎屍] 印尼雅加達「無名十三」碎屍案 12月 9, 2025 00:45:21 點解喺一個熙來攘往嘅鬧巿當中，會有人將一具被精密切割嘅屍體擺喺最繁忙嘅街道上面，而竟然冇人發現？係乜野人，先至可以將一個人嘅身體好似處理食材咁樣分解，但係又小心翼翼咁保留佢嘅樣同指紋呢？點解一個有清晰樣貌同指紋嘅年輕人，可以喺呢個世界上消失得無影無蹤，好似從來冇存在過？就等我哋一齊返去1981年嘅印尼雅加達，重溫呢一單震撼全印尼嘅「無名十三」碎屍案。▶️YouTube 頻道推介: @DarkAsiawithMegan感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee

EP80 - [求生] 智利礦難奇蹟 12月 2, 2025 00:24:58 想像一下，地面之下700米，一片漆黑。空氣混濁悶熱，汗水同灰塵黐住皮膚。三十三名男子困喺一個五十平米唔夠嘅避難所，食物就快食晒，水都就嚟飲完。喺呢個時候，地面上嘅世界，係咪已經放棄咗佢哋？呢個絕境，點樣先可以見到一線曙光？今日，我哋要講嘅，係一個關於絕處逢生同永不放棄嘅真實故事。就等我哋返到去2010年，智利阿塔卡馬沙漠深處，重溫呢一單轟動全球嘅「智利礦難奇蹟」。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee/mysticislandjc

EP79 - [山難] 前蘇聯佳特洛夫山難之謎 11月 25, 2025 00:38:37 今次我哋要講嘅，係一單發生喺前蘇聯雪山上面，至今都未有定論嘅離奇事件。一班登山經驗十足嘅年輕人，喺一個寒風刺骨嘅夜晚，突然之間衝出帳篷，連鞋都冇著，就咁跑入漆黑一片嘅森林。有人身體重創，有人唔見咗眼珠，甚至連條脷都唔知去咗邊度。佢哋嘅衣物竟然仲帶有輻射，相機入面影到嘅，又係一啲神秘嘅影像。官方話係意外，但有啲嘢，點睇都唔似咁簡單。到底佢哋喺嗰晚遭遇到啲乜野呢？就等我哋返到去1959年，走入前蘇聯嘅烏拉爾山脈，重溫呢單震驚世界嘅佳特洛夫山難。⛰️ 佳特洛夫山難專題網頁 : https://dyatlovpass.com/1079感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8

EP78 - [謎殺] 南韓青蛙少年被殺事件 11月 18, 2025 00:25:27 今日我哋要深入探討一單困擾咗韓國多年嘅懸案，五個小朋友點解會喺光天化日之下消失得無影無蹤，然後喺多年之後，搵到佢地嘅骸骨嘅呢？點解動用三十幾萬警力都搵唔到任何線索？背後究竟隱藏住啲咩可怕嘅秘密？就等我哋返到去1991年3月26號，韓國大邱市，重溫呢一單令人心寒嘅「青蛙少年事件」。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee/mysticislandjc

EP77 - [殺妻] 港大張祺忠殺妻案 11月 11, 2025 00:36:24 一個平時教書育人嘅大學教授，點解會變成冷血殺妻犯？一對表面睇落恩愛嘅夫妻，背後其實埋藏住幾多不為人知嘅語言暴力同精神折磨？當一條普通電線纏住喺其中一個條頸嘅時候，兇手究竟係一時衝動，定還是呢個，係長期壓抑爆發出嚟嘅結果？就等我哋返到去2018年夏天，香港大學宿舍，重溫呢一單震驚全港嘅張祺忠殺妻案。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee/mysticislandjc

EP76 - [兇殺] 名古屋西區婦女兇殺案 11月 4, 2025 00:32:05 喺名古屋嘅一間民宅，封印住二十六年前一個血淋淋嘅下午。一位丈夫，用咗四份之一世紀嘅時間同所有積蓄，將兇案現場絲亳不改咁保留住，只係為咗搵出真相，還被殺嘅妻子一個公道。點解佢可以咁堅持？而佢嘅堅持，又可唔可以得到相應嘅回報呢？等我哋一齊返去1999年嘅日本名古屋，重溫呢單「名古屋西區婦女兇殺案」。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee/mysticislandjc

EP75 - [殺婿] 新加坡文達街殺婿案 10月 28, 2025 00:23:53 想像一下：一個七十幾歲，拎住利刀嘅老伯，喺新加坡街頭，冷眼望住一個倒臥喺血泊中嘅女婿，唔單止冇伸手救援，反而張開雙手攔住想上前幫忙嘅途人。嗰一刻，你會點諗？係咪即刻覺得呢個老人家既恐怖、又冷血？係咪即刻想起「壞人變老」呢四個字？不過，事實係咪真係咁簡單呢？就等我地返去2015年新加坡，重溫呢單轟動獅城嘅「文達街殺婿案」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP74 - [謀殺] 新墨西哥州蜥蜴人狂熱者謀殺案 10月 21, 2025 00:33:06 喺美國新墨西哥州嘅荒漠深處，有一件染血嘅襯衫被防水布緊緊包裹。呢件衫屬於一名馬來西亞裔女子，而包裹血衣嘅防水布上，留低咗兇手嘅DNA。最令人心寒嘅係，其中一個兇手堅信自己係為地球除害，仲話受害者其實係外星蜥蜴人女王⋯⋯今日要講嘅呢單案，要由一個自稱蜥蜴人王子嘅男人講起。究竟呢一單謀殺案，點解會同呢啲超自然嘅講法有關嘅呢？就等我哋返到去1993年美國德州，重溫呢一單「蜥蜴人狂熱者謀殺案」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP73 - [謀殺] 台灣新竹男子七度被殺案 10月 14, 2025 00:24:39 當一個人接連遭遇多次致命意外，每一次都驚險逃生，你會唔會懷疑背後有啲嘢唔對路？一段平凡婚姻之下，竟然隱藏住一連串無法解釋嘅災難。今次要講嘅案件，係台灣治安史上最離奇、最詭異、最難破解嘅謀殺案之一。主角喺短短幾個月內，接連遇上車禍、火災、毒殺、砍殺等種種所謂「意外」，而每一次都奇蹟地生還。警方一度懷疑係黑幫尋仇、商業糾紛、甚至係靈異事件，但所有線索都指向空白。咁到底，係邊個咁狠心，七度設局要攞佢命？而呢個命運多舛嘅男人，又係咪真係注定難逃一劫？就等我哋返到去1999年嘅台灣新竹，重溫呢一單「男子七度被殺案」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc

EP72 - [誘拐] 南韓李亨浩誘拐事件 10月 7, 2025 00:37:43 今日同大家講一單，當年轟動整個韓國嘅懸案，有個9歲小朋友喺自己屋企樓下俾人綁架。個綁匪為咗拎贖金，打咗超過60次電話，寫咗十幾封信，完全將警方同家屬玩到氹氹轉。最離譜嘅係，綁匪仲要成功喺班警察視線內拎走晒啲贖金。到底綁匪係點樣做到嘅呢？點解班警察會冇佢符？最後小朋友嘅下落又係點嘅呢？而疑兇又有可能係邊個呢？就等我地返到去1991年嘅韓國漢城（亦即係而家嘅首爾），重溫呢一單「李亨浩誘拐事件」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP71 - [性侵] 墨爾本「殘酷先生」連環性侵案 9月 30, 2025 00:25:30 喺墨爾本寧靜嘅街道背後，曾經隱藏住一個令整個城市不寒而慄嘅黑影。究竟點解一個蒙面入侵者可以喺民居入面肆意妄為幾個鐘，之後又消失得無影無蹤？到底係乜野人，可以精心策劃連環罪行，多年來一直挑戰住警方嘅底線？就等我哋返到去1987年嘅澳洲墨爾本，重溫呢單轟動一時嘅「殘酷先生」連環性侵案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP70 - [失蹤] 荃灣城門水塘梁嘉敏失蹤案 9月 24, 2025 00:30:00 今日要同大家探討一單困擾香港多年嘅失蹤案件，一個年輕有為嘅女仔，點樣喺光天化日之下消失得無影無蹤？點解多年後會有人聲稱收到佢嘅神秘托夢？呢個超自然現象係巧合、係騙局，定係真係有冤情未訴？就等我哋返到去1994年嘅香港荃灣，重溫呢一單撲朔迷離嘅梁嘉敏失蹤案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP69 - [颱風Bonus][謎殺] 台北洋房颱風命案 9月 23, 2025 00:34:38 喺一個颱風咆哮、暴雨橫掃之夜，一棟本應空無一人嘅洋房，點解會閃出詭異火光？點解一名外國男子嘅屍體，會喺風雨最狂暴嘅時刻，出現喺台北市嘅呢座洋房之中呢？而門前嗰架全新房車，又暗示住佢有住點樣嘅身份同秘密呢？就等我哋返到去1962年嘅台北，重溫呢一單台北洋房颱風命案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP68 - [槍殺] 加州聖伊西德羅麥當勞大屠殺 9月 16, 2025 00:25:59 一個陽光普照美國小鎮嘅下晝，點解會上演咗一場血色恐怖事件？一間平凡嘅快餐店，點解會變成殺戮戰場？槍聲響起嘅一刻，邊個會諗到惡夢先啱啱開始呢？就等我哋返到去1984年7月嘅加州聖伊西德羅，重溫呢一單麥當勞大屠殺。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP67 - [失蹤] 拉爾斯保加利亞離奇失蹤案 9月 9, 2025 00:30:21 今次同大家講一個令人心寒嘅失蹤事件，一個普通旅行點樣變成永遠解唔開嘅謎團？一班好朋友去旅行，點解最後會唔見咗一個人嘅呢？究竟呢單失蹤案，係當事人遭遇意外、早有預謀、定係被謀害嘅呢？就等我哋返到去2014年嘅保加利亞，重溫呢一單拉爾斯保加利亞離奇失蹤案。🎥 拉爾斯於機場閉路電視下出現的身影：https://www.youtube.com/watch?v=VsqATIHqAqg感謝大家支持。You may support the channel with a coffee :)☕ https://buymeacoffee.com/mysticislandjc📱 Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP66 - [虐殺] 藍田童黨虐殺少女案 9月 2, 2025 00:27:35 唔知大家有冇試過因為身材俾人笑？或者因為唔夠靚而自卑？今日要講嘅呢個真實故事，可能會令你心寒，但更加會令你反思。2004年，香港藍田一個200磅嘅少女，就因為『肥』呢個字，經歷咗人生最恐怖嘅72小時。佢以為自己終於搵到真心朋友，點知呢班所謂『朋友』，由最初嘅言語羞辱，慢慢變成拳打腳踢，最後竟然用硫酸毀屍。究竟點解一班十幾歲嘅後生仔可以殘忍到咁？點解冇一個人願意停手？就等我地返到去2004年嘅藍田，重溫呢一單曾經轟動全港嘅童黨虐殺少女案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP65 - [謎殺] 花蓮五子命案 8月 26, 2025 00:34:20 2006年，喺台灣花蓮市，有一處人家嘅屋企竟然發現五具冰冷嘅屍體，其中四位仲係未成年者，佢哋都係兄弟姐妹，而呢五位死者嘅父母就離奇消失，經調查將佢地鎖定為嫌疑人。刑警喺嫌疑人公司入面搵到咗部相機，入面記錄嘅嘢，令身經百戰嘅刑警都難以忍受。咁到底，係邊個害死呢五兄弟姐妹呢？小朋友嘅父母又去左邊度呢？相機入面記錄嘅嘢，又係啲乜呢？就等我哋返到去2006年嘅台灣花蓮市，重溫呢一單五子命案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP64 - [劫案] 英國火車大劫案 8月 19, 2025 00:24:30 究竟一個成日偷嘢嘅慣犯，點樣變成轟動全國嘅火車大盜，仲偷走咗價值二百六十萬英鎊嘅財物？最離譜嘅係，佢俾人拉咗之後，竟然仲可以成功越獄，展開長達三十六年嘅大逃亡生涯。究竟，佢點樣喺警方布下嘅天羅地網之下，逍遙法外咁多年？佢又點樣將自己嘅犯罪生涯，包裝成傳奇故事，甚至名利雙收？就等我哋返到去二十世紀嘅英國，重溫呢單當年轟動全球嘅「英國火車大劫案」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP63 - [縱火] 東京柴又女大學生放火被殺案 8月 12, 2025 00:31:31 1996年，一個21歲嘅上智大學高材生，已經拎到美國西雅圖大學嘅交換生資格，行李都執好晒，就喺出發前兩日，佢被發現陳屍喺自己屋企，更詭異嘅係，凶手殺人後竟然放火燒屋！究竟係咩深仇大恨，要對一個就快展開留學生活嘅女大學生下此毒手？2021年，東京警視廳突然公布，新版嫌疑犯畫像，係咪意味呢單沉積25年嘅懸案終於有突破？就等我哋返到去1996年嘅日本東京葛飾區，重溫呢一單「柴又女大學生放火被殺案」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP62 - [食人] 泰國細偉疑似食人案 8月 5, 2025 00:22:18 喺陽光普照嘅泰國，除咗沙灘同美食之外，你有冇諗過，喺曼谷嘅一間博物館入面，竟然擺放住一具令人毛骨悚然嘅乾屍？呢具乾屍背後，隱藏住一單多年前轟動全國嘅食人案，但係真相係咪真係咁簡單？點解幾十年後，突然有過萬人聯署要求將佢落葬？就等我哋先返到去2019年嘅泰國，重溫呢一單「泰國細偉案」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP61 - [謎案] 俄亥俄州瑟克爾維爾匿名信事件 7月 29, 2025 00:22:32 喺美國俄亥俄州一個平平無奇嘅小鎮，突然出現一個神秘寫信人，佢唔單止知道晒街坊鄰里嘅秘密，仲要將呢啲秘密寫成恐嚇信四處散播。究竟呢個人係點樣洞悉所有人嘅私隱？佢嘅動機又係咩？當恐懼好似瘟疫咁蔓延，原本和睦嘅社區開始互相猜疑，甚至有人因此喪命...就等我哋返到去1976年，重溫呢一單困擾小鎮多年嘅「瑟克爾維爾匿名信事件」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP60 - [邪教] 銅鑼灣邪教菲婦殺童案 7月 22, 2025 00:29:09 1982年5月嘅一個傍晚，銅鑼灣同平日一樣車水馬龍，人潮逼滿街道。喺繁華嘅街頭，點解會突然有兩團血肉模糊嘅物體從天而降？更詭異嘅係，警方到場後喺案發大廈發現四張不同姓名嘅身份證，同埋一張寫喺紙巾上面嘅遺書。而呢兩個血肉模糊嘅物體，竟然係用白布綁住手嘅母子屍體。背後究竟隱藏住啲乜野程度嘅嘅絕望同瘋狂？而呢個母親，點解會將自己同親生骨肉推落萬劫不復嘅深淵？就等我哋返到去1982年嘅銅鑼灣高士威道灣景大廈，重溫呢一單邪教菲婦殺童案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP59 - [滅門] 東京練馬一家五口殺害事件 7月 15, 2025 00:24:04 你有冇諗過，一個人可以為咗錢去到幾盡？當利益同道德嘅界線變得模糊，人性會扭曲成點？一單房地產交易，又何以變成滅門慘案？泡沫經濟時期嘅瘋狂，又點樣將一個普通人變成冷血殺手？就等我地返到去1983年嘅東京練馬區，重溫呢一單練馬一家五口殺害事件。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP58 - [謎案] 巴西鉛面具案 7月 8, 2025 00:31:52 喺六十年代巴西嘅某一日，兩個事業有成嘅電子工程師，竟然被發現無端端死喺荒山野嶺，而且身上仲戴住古怪嘅鉛製面具。兩個人，仲要排排瞓喺樹葉鋪成嘅「床」上面，死狀都好奇怪嘅。最詭異嘅係，鄰居話佢哋死前仲講過要「拯救世界」——究竟佢哋遇到咗啲乜野呢？成件事嘅來朧去脈又究竟係點嘅呢？就等我哋返到去1966年8月嘅巴西，重溫呢一單「巴西鉛面具案」。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP57 - [兇殺] 康州譚普街停車場兇殺案 7月 1, 2025 00:21:54 一個年輕嘅生命，點解會喺光天化日之下，喺鬧巿被人奪走？兇手點樣可以喺人來人往嘅停車場犯案，但就逍遙法外廿幾年？係執法部門無能，定係兇手真係咁狡猾？最後，刑偵專家李昌鈺博士嘅出現，又點樣令到案件真相水落石出呢？就等我哋返到去1973年美國康涅狄格州紐黑文市，重溫呢一單譚普街停車場兇殺案。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP56 - [屠殺] 伊利諾州炸雞店屠殺案 6月 24, 2025 00:25:59 1993年，喺美國嘅伊利諾州一個寧靜小城入面，坐落住一間由一對夫婦經營嘅炸雞店，並請咗五名職員幫忙工作。佢哋每一個人都為咗自己小小嘅夢想喺度奮鬥，但係冇諗過，一個飄住大雪嘅夜晚，一間炸雞店內嘅7名員工，一夜之間都成為咗槍下亡魂，全數遇害，無一倖免。辦案嘅刑警喺多年後，回憶起見到案發現場嘅嗰一幕，仍然心有餘悸。佢話：「一打開門，我見到一具具屍體被堆埋一齊，地上全係血跡同子彈殼⋯⋯」從1993年案發，案件一直懸而未破。直到9年後，因為一個証人自述，結合一個令人震驚嘅破案關鍵，先至令屠殺案才真相大白。咁到底，關鍵係啲乜野呢？又有邊個咁機智，搵到呢個關鍵呢？兇手又係邊個呢？就等我哋返到去1993年嘅美國伊利諾州，重溫呢一單炸雞店屠殺案。感謝大家支持。You may support the channel with a coffee :)☕ https://buymeacoffee.com/mys

EP55 - [山難] 北海道旭岳SOS白骨案 6月 17, 2025 00:22:07 喺北海道嘅雪山深處，突然出現一個巨大嘅「SOS」求救信號，但當搜救隊千辛萬苦趕到現場，竟然只發現一具白骨——究竟發生咗咩事？求救者係邊個？現場點解最後只剩低副骸骨？係意外定係謀殺？最詭異嘅係，呢個「SOS」信號到底點樣喺荒山野嶺憑空出現？就等我哋返到去1989年7月，日本北海道旭岳，重溫呢一單「北海道旭岳SOS白骨案」。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP54 - [肢解] 打鼓嶺坪洋新村女童肢解案 6月 10, 2025 00:23:44 想像一下，喺凌晨時分，當你望住漆黑一片嘅樹林，見到幽幽綠光閃爍，耳邊傳來女童嘅淒厲喊聲，你會點做？如果突然有個冇咗雙手嘅細路女問你「有冇見到我的手」，你又會點答？呢個流傳喺新界北打鼓嶺嘅恐怖傳說，背後隱藏住一單令人心寒嘅真實案件……就等我哋返到去1981年，香港打鼓嶺坪洋新村，重溫呢一單「女童肢解案」。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc

EP53 - [拋屍] 英國煤堆拋屍案 + 一週年 Q&A 6月 3, 2025 00:38:36 喺上年嘅6月頭，奇情島同大家見面，到而家原來已經啱啱好一週年。喺呢度，好想同各位聽眾講句，多謝大家一路支持。喺講case之餘，都想襯節目一週年同大家傾吓計。今集想同大家講嘅，係一單世界歷史上嘅不解之謎，上世紀英國發生嘅一件懸案。1980年某一日，英國西約克郡嘅托德莫登警署接到報案，有一名男子聲稱自己喺一處高度約4米左右嘅煤堆上發現咗一具屍體。不過，佢嘅鞋底同手掌竟然都冇煤炭殘留。咁究竟，佢係點樣去到煤堆嘅頂部呢？佢又係俾邊個，又或者係啲乜野，整死嘅呢？感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/m

单集

推荐