奇情島
奇情島探索古今中外奇人、奇事、奇案。節目由JC主持，內容涵蓋各種神秘事件和歷史謎團。聽眾可以透過Buy Me a Coffee支持節目，並提交自己的奇情故事。
Episodes
EP111 - [滅門] 意大利卡烈達家族滅門案
一個意大利家庭，點解會喺暑假旅行之後集體人間蒸發？點解一個連隻烏蠅都唔敢拍死嘅內向男子，會成為成單案最關鍵嘅人物？係咩嘢驅使佢喺失蹤十年之後，突然喺全國電視觀眾面前，親口講出一個收埋咗十年、令佢難以啟齒嘅驚人秘密？就等我哋一齊返到去 1989 年意大利帕爾馬帕爾馬，重溫呢一單震驚全國嘅卡烈達家族滅門案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP110 - [謎案] 英國銀人目擊事件 + 兩週年 Q&A
喺七十年代英國一個小鎮嘅某一晚，一名男子放咗工，正揸緊車返緊屋企。佢返屋企嘅路，係一條普通到唔普通嘅公路，旁邊除咗一個核設施之外，就乜野都冇。不過，佢沿途見到一個好高嘅影企咗喺路邊。究竟嗰個影係乜嘢嚟？點解佢會出現喺核設施隔籬？嗰晚之後，嗰個人嘅身上又留低咗啲乜嘢，永遠唔會消失嘅嘢？而最令人心寒嘅問題係：佢最後到底有冇事呢？就等我哋返到去1978年嘅英格蘭禾寧頓，重溫呢一單充滿謎團嘅「銀人目擊事件」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://lin
EP109 - [謎案] 怪人二十一面相謎案
一九八四年一個平凡嘅星期日夜晚，一個嘅日本大集團社長，點解會俾三個持槍嘅蒙面賊，從自己屋企嘅浴室裡面，就咁樣全裸咁俾人擄走？而最奇怪嘅係，當呢個社長奇蹟生還之後，點解呢班匪徒竟然搖身一變，成為咗挑戰成個日本警察、甚至玩弄全日本國民嘅「劇場型犯罪」天才嘅呢？就等我哋返到去1984年3月18號，日本兵庫縣西宮市，重溫呢一單至今仍未破解、令日本警察顏面盡失嘅——日本怪人二十一面相事件。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/myst
EP108 - [分屍] 曼谷天才醫學生分屍女友案
一個被譽為天才嘅醫學生，點解會親手毀掉自己嘅前程？一個廿二歲嘅後生女，到底做錯咗啲乜嘢，要被人用最殘忍嘅方法對待？一段表面睇落好普通嘅情侶關係，點解最後會演變成震驚全國嘅分屍慘案？就等我哋返到一九九八年嘅泰國曼谷，重溫呢一單「曼谷天才醫學生分屍女友案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP107 - [冤案] 冰島無屍冤案
點解一個神智完全正常嘅人，會喺一份承認自己殘酷殺害陌生人嘅供詞上面簽名畫押？當代表絕對權威嘅執法者，日以繼夜咁否定你腦海中嘅記憶，一個人對「真實」嘅防線可以撐到幾耐？喺絕望同孤立無援嘅深淵入面，我哋嘅大腦又會點樣欺騙自己去換取片刻嘅喘息空間？就等我地返到去1974年嘅冰島，重溫呢一單冰島無屍冤案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP106 - [失蹤] 沙田吳凱琳失蹤案
一個八歲嘅細路女，喺自己住嘅屋邨樓下公園玩，會有咩危險？點解一個讀緊二年級、成績優異、從來唔會同陌生人講嘢嘅乖乖女，會喺哥哥眼皮底下，消失得無影無蹤？點解佢失蹤之後，佢阿媽不停發夢，夢見同阿女下落有關嘅情節呢？又點解呢個夢，一年半之後，竟然同現實一模一樣？究竟係報夢，還是純屬巧合？就等我哋返到1983年嘅沙田，重溫呢一單曾經轟動全港嘅，八歲女童吳凱琳失蹤案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP105 - [爆炸] 武漢公車爆炸案
一個情人節嘅早上，點解一架滿載乘客嘅巴士會突然炸到飛起，殘肢散落長江大橋？點樣從二百幾塊血肉模糊嘅碎片入面，拼湊出真相？點解十六個死者裏面，有兩個一直冇人認領，連警方都搵唔到佢哋嚟自邊度？就等我哋返到去一九九八年二月十四號嘅湖北省武漢市，重溫呢一單當年震驚全國嘅「武漢公車爆炸案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP104 - [謀殺] 紐約長島連環殺人案
一個風平浪靜嘅海岸度假小鎮，點解會一夜之間變成全美國最驚慄嘅亂葬崗？一個原本只係為咗搵一個失蹤女子而進行嘅普通搜索行動，點解會揭發出犯罪史上最駭人聽聞嘅連環殺人案之一？警方明明手上握住線索，點解呢單案依然可以懸而未決十幾年，搞到人心惶惶？就等我哋返到去二零一零年嘅紐約長島，重溫呢一單轟動全球嘅「紐約長島連環殺人案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP103 - [邪殺] 新加坡驅魔挖眼案
宗教信仰，係咪真係可以令一個人將其他人活生生折磨致死？當你最深愛嘅人，突然間話你係魔鬼嘅化身，你會選擇離開，定係繼續留低試圖拯救佢？一個喺雲頂高原接受求婚、滿懷幸福嘅後生女，點解會喺短短幾日之後，變成一個身中四十幾刀、雙眼被活生生挖走嘅冰冷屍體？嗰啲散落一地嘅鐵鎚、開罐器、同埋纏繞喺頭髮上嘅金屬湯匙，究竟係一場血腥嘅殺戮，定係一個瘋子眼中所謂嘅「神聖儀式」？就等我哋返到去2012年3月嘅新加坡裕廊西，重溫呢一單「驅魔挖眼案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc
EP102 - [謎殺] 德國 YOG'TZE 案
今集要講嘅，有人話係德國犯罪史上最詭異嘅案件。一個男人，點解會喺臨死之前，突然寫低一個世上從來冇出現過嘅詞語？點解佢會喺深夜失蹤幾個鐘，完全冇人知佢去咗邊？點解佢最後被發現嘅時候，會係攤喺自己架車嘅乘客位？最離奇嘅係，佢臨斷氣之前，竟然同救佢嘅人講，車上面仲有四個人，而佢哋唔係佢朋友。呢四個究竟係人定係鬼？係救命恩人定係殺人兇手？就等我哋返到去1984年10月嘅前西德，重溫呢一單號稱德國犯罪史上最詭異、最耐人尋味嘅案件——「YOG'TZE」案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @m
EP101 - [空難] 日航123號班機空難
一趟滿載歸心似箭嘅旅客嘅航班，喺起飛後十二分鐘，突然傳嚟一聲爆炸咁嘅巨響，之後仲喺天上面同死神搏鬥咗足足三十二分鐘。機上嘅人，由一開始嗰種措手不及嘅驚惶，到後尾變成絕望同無助，中間經歷咗一段漫長又痛苦、足足半個鐘嘅時間。呢場震驚全世界嘅空難，究竟係一場冇可能預測嘅天災，定係由一連串人為疏忽嘅必然人禍？就等我哋返到去1985年8月12號傍晚嘅東京羽田機場，再次揭開呢一單喺世界航空史上，死傷最嚴重嘅單一飛機事故——「日本航空123號班機空難」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mystici
EP100B - [失蹤] 加茂前雪失蹤之謎 (下)
一件本來已經夠晒離奇嘅失蹤案，喺三年後竟然收到一封充滿「北國密碼」嘅奇怪信件，十二年後仲有個「攣毛男」打嚟自報家門？呢啲碎片到底係真兇嘅挑釁，定係受害者同知情者發出嘅求救訊號？係北韓綁架、奧姆真理教、定係身邊熟人所為？今集會拆解呢單案件背後四大毛骨悚然嘅理論。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP100A - [失蹤] 加茂前雪失蹤之謎 (上)
此案被譽為日本「三大神隱事件」之一，詭異程度絕對令人心寒。1991年，三重縣8歲女童加茂前雪，喺爸爸喺房瞓緊覺嘅一個鐘入面憑空消失。現場留低一杯飲咗一半、仲暖嘅熱朱古力，但佢最愛嘅單車同大褸都冇帶走。到底邊個令佢連朱古力都唔飲埋就急急腳出門？三年後嗰封充滿亂碼、提到「八寒地獄」同「腿張開」嘅奇怪信件，又隱藏住啲乜嘢驚人真相？感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP99 - [藏屍] 尖沙咀 Hello Kitty 藏屍案
一隻陪伴無數人成長嘅Hello Kitty公仔，可以點樣同人性最黑暗嘅一面扯上關係？一個看似普通嘅錢債糾紛，點樣會演變成一場長達一個月、挑戰人類想像極限嘅殘酷折磨？當一單兇案嘅大部分證據都隨住被害人嘅屍體一齊消失，法律嘅天秤又要點樣去衡量公義？就等我哋返到去1999年嘅尖沙咀，重溫呢一單轟動全城、細節至今聽起嚟仍然令人心寒嘅「Hello Kitty藏屍案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP98 - [冤案] 內蒙呼格吉勒圖冤案
1996年4月9號，兩個喺中國內蒙古嘅後生仔，喺返屋企嘅路上發現咗一具屍體，佢哋跑去警局報案，點知反而被當成兇手。點解兩個後生仔報案會變成殺人犯？點解一個不雅笑話可以換來死刑？究竟係乜嘢原因，可以令一個無辜嘅生命喺18歲，被送上刑場？呢一切究竟係點發生？就等我哋返到去1996年嘅中國內蒙古，重溫呢一單內蒙呼格吉勒圖冤案。感謝大家支持。You may support the channel with a coffee :)☕ https://buymeacoffee.com/mysticislandjc📱 Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP97 - [劫殺] 銅鑼灣巨鑽劫殺案
喺上世紀90年代嘅香港，曾經發生過一單令人匪夷所思嘅鑽戒劫殺案。俗語話「財不可露眼」，如果戴住貴重飾物招搖過市，俾不法之徒睇上嘅話，除咗會招致財物損失，仲有可能惹來殺身之禍！一對分別戴住10卡同8卡鑽戒嘅孖生姊妹，去銅鑼灣探阿媽時，就遇上亡命劫匪——點解劫匪會咁清楚佢哋嘅行蹤？𨋢入面明明有目擊者，點解最後剩係得兩姊妹同劫匪搏命？更離奇嘅係，落網嘅劫匪竟然話當年係屈打成招，究竟警方有冇拉錯人？就等我哋返到去1998年嘅銅鑼灣，重溫呢一單「銅鑼灣巨鑽劫殺案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram
EP96 - [謀殺] 西班牙華裔養女被殺案
2013年，一名被西班牙夫婦收養嘅13歲中國女童突然失蹤並遭到謀殺，被棄屍荒野。經過調查，喺女童遇害之前，佢好有可能遭遇咗灌藥性侵。而令人難以置信嘅係，佢嘅西班牙養父養母居然成為嫌疑人。咁到底，呢名女童究竟經歷咗啲咩？呢對西班牙夫婦同女童嘅死，又有啲乜野關係呢？就等我地返到去2000年嘅中國湖南，重溫事情發展嘅經過。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP95 - [斬首] 順利邨斬首案
雖然古語有云 ，「虎毒不吃兒」，但睇怕呢句說話，並唔能夠用喺今集嘅主角，李志騰身上。喺2005年嘅觀塘順利邨，六十八歲嘅李志騰因為疑心重、自卑感作祟，導致患上妄想症，出現精神錯亂，最後竟然狠下毒手，親手殺死自己嘅親生女。而最恐怖嘅係，死者嘅頭顱，至今仍然未被搵返。喺事件背後，亦都揭示一段中港婚姻，夫妻、子女長期分隔，喺缺乏溝通下，壓抑情緒無法疏導，引爆成社會悲劇。咁到底，成件事情嘅來朧去脈係點嘅呢？就等我哋返到去 2005 年嘅觀塘順利邨，重溫呢一單慘絕人寰嘅「順利邨狂父斬首案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticisland
EP94 - [邪教] 德州大衛教韋科圍城慘案
上世紀五十年代末嘅美國德州，有一個男仔出世，佢嘅人生軌跡後來會同一場震驚全球嘅對峙同大火緊緊纏繞。呢個人點樣由一個被欺凌、被遺棄嘅少年，一步步變成一個自稱可以同上帝直接對話嘅領袖？佢點樣用一本聖經同滿屋槍械，建立一個完全聽命於佢、與世隔絕嘅王國？呢個王國入面，人嘅日常生活可以變得幾荒謬同壓抑？最後，點樣會引嚟國家機器嘅鐵拳，喺一片火海同電視直播之下，造成幾十個無辜性命嘅悲劇？就等我哋返到去1959年，重溫呢一單複雜而沉重嘅大衛教韋科圍城慘案。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 http
EP93 - [藏屍] 鑽石山帆布袋藏屍案
1980年2月20日，農曆大年初五，過年氣氛仲好濃厚，但對陳家而言，惡夢已經悄然揭幕。16歲嘅女中學生陳慧敏，同屋企人講咗一句好平常嘅話：「我約咗同學去買波鞋。」之後，就永遠冇再返屋企。一個平凡嘅下午，一次普通嘅外出，點解會成為永別？佢離開家門之後，究竟去咗邊？見過乜嘢人？又遇到咩事？就等我哋返到去1980年嘅鑽石山，重溫呢單「鑽石山帆布袋藏屍案」。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc🌳 https://linktr.ee/mysticislandjc
EP92 - [謎案] 費城箱中男孩謎案
今日要同大家講嘅，係一單美國史上最離奇、最令人心痛嘅案件之一。你有冇諗過，點解一個男童嘅遺體就咁赤條條咁被人掟喺荒山野嶺入面嘅紙皮箱？警方當年派出咗幾十萬張街招，張貼喺費城每一個角落，希望有人認得佢。但結果係——冇人認得，冇人報案，冇人承認失去咗一個小朋友。佢，就好似從來冇存在過。最令人不安嘅，係兇手竟然幫佢清潔身體、剪指甲，甚至整理遺容。呢份詭異嘅「細心」，到底係出於悔意？定係背後仲有更黑暗、更恐怖嘅真相？就等我哋返到一九五七年二月，美國賓夕法尼亞州費城，重溫呢單纏繞咗世人超過半個世紀，令人心酸又極之詭異嘅「箱中男孩」命案。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8
EP91 - [求生] 湯加少年奇幻漂流
如果我話你知，有六個十幾歲嘅男仔，被困喺一個與世隔絕嘅荒島足足十五個月，你估個結局會係點？係咪會有人爭做大佬，拉幫結派，最後自相殘殺？定係唔單止全部人齊齊整整生存落嚟，仲建立咗一個有秩序嘅小社會？聽落好似童話，但呢個係發生喺南太平洋嘅真事，震撼到後來有學者話，呢件事係對現代社會最黑暗想像嘅一次完美反擊。咁，究竟呢六個湯加少年，點樣喺絕境中創造奇蹟？就等我哋返到去1965年，南太平洋嘅湯加，重溫呢個被譽為「現實版烏托邦」嘅湯加少年奇幻漂流。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https:
EP90 - [綁架] 橫田惠被綁架事件
四十九年，可以令一個國家由戰後廢墟變成經濟強國，可以令科技由大型電腦飛躍到人工智能。但原來，四十九年，唔足以令一個被人綁架嘅十三歲女仔，平安返到屋企。二百米嘅行人路，點解會變成橫跨半個世紀嘅不歸路？係邊個，可以將一個活生生嘅人，當成語言教材同國家資產，喺地圖上徹底抹走？就等我哋返到去1977年，日本新潟市，重溫呢單橫跨兩代人、至今仍然令人黯然嘅「橫田惠被綁架事件」。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee/mysticislandjc
EP89 - [邪殺] 越南天靈蓋邪術連環殺人案
當你聽到「刀槍不入」、「呼風喚雨」呢啲字眼，你第一時間會諗起咩？係武俠小說入面嘅絕世高手，定係神話故事入面嘅神仙？如果我同你講，有人為咗追求呢啲超自然力量，不惜用最殘忍嘅方法去奪人性命，你覺得係瘋狂，定係愚昧？喺越南湄公河三角洲深處嘅水鄉入面，到底係乜野嘅原因，會孕育出一個令成條村都信服嘅所謂「神醫」？當善良同愚昧交織，最後又會釀成幾大嘅悲劇？就等我哋返到去1995年，越南新平鄉，呢個平靜嘅水鄉，重溫一單曾經轟動全國嘅天靈蓋邪術連環殺人案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mystici
EP88 - [綁架] 加州校巴綁架案
當你睇見校巴緩緩駛過街角，小朋友開開心心咁落車，你會諗起咩？係放學後嘅自由自在，定係童年無憂無慮嘅回憶呢？不過，假如有一日，成架校巴連同成班小朋友喺你眼前消失，二十七個人好似人間蒸發咁冇咗蹤影，你又會點樣面對？究竟係邊個令呢件事情發生？而最後，呢架校巴入面嘅人又會唔會吉人天相呢？就等我哋返到去1976年美國加州喬奇拉巿，重溫呢一單「加州校巴綁架案」。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee/mysticislandjc
EP87 - [謎屍] 澳洲阿德萊德薩默頓男子之謎
今日同大家講一個海灘上嘅神秘男屍。佢著住成套西裝，瞓喺沙灘，望落好似好安詳。但佢已經冇咗呼吸。佢身上冇銀包，冇身份證。最奇怪嘅係，佢所有衫褲上面嘅標籤，都被人用利器剪到一乾二淨。幾個月後，警方搵到一張紙碎，上面寫住兩個神秘嘅文字，打開一個更深、更黑暗嘅謎團大門。一個冇名冇姓嘅男人，點解會成為澳洲歷史上最耐人尋味嘅一頁？點解多年過去，仲有無數人為咗佢嘅身份同死因爭論不休？就等我哋返到去1948年12月嘅澳洲阿德萊德，重溫呢一單薩默頓男子之謎。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mystici
EP86 - [姦殺] 吉隆坡洪美鳳姦殺案
你哋有冇試過細個嗰陣，媽媽俾幾蚊你，落街買自己中意嘅零食呢？對於住喺吉隆坡怡保路嘅洪美鳳嚟講，1987年4月12號，本來就係一個咁普通嘅星期日朝早。點解呢個9歲細路女，喺光天化日之下，只係喺街度等咗哥哥十分鐘，就會無聲無息咁消失，然後被棄屍？究竟係乜野人咁狠心，會對一個細路女狠下毒手？真兇究竟係邊個呢？就等我哋返到去1987年，馬來西亞首都吉隆坡，重溫呢單震驚全馬嘅「洪美鳳姦殺案」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/my
EP85 - [冤案] 袴田巖冤案
喺2024年9月26號呢個風和日麗嘅日子，日本靜岡法院入面，正上演緊一場震撼人心嘅世紀大審判——位91歲嘅老人家袴田秀子，用咗整整58年光陰，終於為細佬討回清白。究竟係點樣嘅冤獄，可以橫跨半個世紀？點解一個曾經風光嘅拳擊冠軍，會一夜之間變成死囚？乜嘢「鐵證」能夠令人蒙冤58年？而一位年過九十嘅家姐，又憑乜嘢毅力能夠堅持半世紀追尋真相？就等我哋返到去1966年日本靜岡市，重溫呢一單「袴田巖冤案事件」。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://link
EP84 - [求生] 美國母女伊朗生死逃亡記
當你以為同最親密嘅屋企人去旅行，點知原來係一趟有去無回嘅不歸路，你會點面對？困喺一個語言不通、法律唔保護你、連自己國家都幫你唔到嘅地方，每日面對暴力同恐嚇，係咪就等於絕望？而一個媽媽為咗個女，可以爆發出幾驚人嘅意志？要幾大嘅勇氣，先敢將自己同個女嘅性命，交託俾一班陌生人？就等我哋返到去1984年夏天，美國密歇根州一個平凡嘅家庭，重溫呢一單轟動全球、改編成電影嘅真實事件：美國母女伊朗生死逃亡記。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.
EP83 - [失蹤] 法國梅希諾一家平安夜失蹤事件
喺多年前某一個聖誕平安夜，有一家人同朋友聚會完之後，揸車返屋企途中竟然成家人間蒸發，連揸緊嗰架車都完全消失埋。成件事只係發生喺短短十分鐘車程之內。警方展開長達半個世紀嘅調查，呢單係法國自1900年以來最出名嘅家庭失蹤案 ，被法國傳媒稱為戰後最令人費解嘅案件，甚至可能係司法史上獨一無二嘅事件，事實真相究竟係點？呢家人嘅消失，究竟係意外定係有人精心佈局？點解連一啲線索都搵唔到？係唔係有人講緊大話，將調查引入歧途？就等我地返到去1972年法國西南部嘅夏朗德省，重溫呢單被稱為戰後最令人費解嘅梅希諾一家失蹤案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 h
EP82 - [藏屍] 牛頭角灶底藏屍案
今集要講嘅，係一單發生喺七十年代嘅牛頭角，曾經震撼全港嘅奇案。一灘離奇出現嘅血水、一個用水泥封實嘅灶底，仲有一名失蹤人口，三樣嘢表面上冇乜關係，但背後其實埋藏住一段令人毛骨悚然嘅故事。而案發單位，之後仲傳出唔少靈異事件——女人嘅喊聲、腐爛嘅臭味、深夜廚房傳嚟奇怪聲響……究竟係冤魂不散？定係人心作祟？就等我哋返到去1975年嘅九龍，牛頭角下邨第九座，重溫呢一單牛頭角灶底藏屍案。感謝大家支持。You may support the channel with a coffee :)☕ https://buymeacoffee.com/mysticislandjc你嘅奇情故：https://forms.gle/54924zaUXzquBbsg8📱Instagram @mysticislandjc📱 Telegram @mysticislandjc🌳 https://linktr.ee/mystic
EP81 - [碎屍] 印尼雅加達「無名十三」碎屍案
點解喺一個熙來攘往嘅鬧巿當中，會有人將一具被精密切割嘅屍體擺喺最繁忙嘅街道上面，而竟然冇人發現？係乜野人，先至可以將一個人嘅身體好似處理食材咁樣分解，但係又小心翼翼咁保留佢嘅樣同指紋呢？點解一個有清晰樣貌同指紋嘅年輕人，可以喺呢個世界上消失得無影無蹤，好似從來冇存在過？就等我哋一齊返去1981年嘅印尼雅加達，重溫呢一單震撼全印尼嘅「無名十三」碎屍案。▶️YouTube 頻道推介: @DarkAsiawithMegan感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee
EP80 - [求生] 智利礦難奇蹟
想像一下，地面之下700米，一片漆黑。空氣混濁悶熱，汗水同灰塵黐住皮膚。三十三名男子困喺一個五十平米唔夠嘅避難所，食物就快食晒，水都就嚟飲完。喺呢個時候，地面上嘅世界，係咪已經放棄咗佢哋？呢個絕境，點樣先可以見到一線曙光？今日，我哋要講嘅，係一個關於絕處逢生同永不放棄嘅真實故事。就等我哋返到去2010年，智利阿塔卡馬沙漠深處，重溫呢一單轟動全球嘅「智利礦難奇蹟」。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee/mysticislandjc
EP79 - [山難] 前蘇聯佳特洛夫山難之謎
今次我哋要講嘅，係一單發生喺前蘇聯雪山上面，至今都未有定論嘅離奇事件。一班登山經驗十足嘅年輕人，喺一個寒風刺骨嘅夜晚，突然之間衝出帳篷，連鞋都冇著，就咁跑入漆黑一片嘅森林。有人身體重創，有人唔見咗眼珠，甚至連條脷都唔知去咗邊度。佢哋嘅衣物竟然仲帶有輻射，相機入面影到嘅，又係一啲神秘嘅影像。官方話係意外，但有啲嘢，點睇都唔似咁簡單。到底佢哋喺嗰晚遭遇到啲乜野呢？就等我哋返到去1959年，走入前蘇聯嘅烏拉爾山脈，重溫呢單震驚世界嘅佳特洛夫山難。⛰️ 佳特洛夫山難專題網頁 : https://dyatlovpass.com/1079感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8
EP78 - [謎殺] 南韓青蛙少年被殺事件
今日我哋要深入探討一單困擾咗韓國多年嘅懸案，五個小朋友點解會喺光天化日之下消失得無影無蹤，然後喺多年之後，搵到佢地嘅骸骨嘅呢？點解動用三十幾萬警力都搵唔到任何線索？背後究竟隱藏住啲咩可怕嘅秘密？就等我哋返到去1991年3月26號，韓國大邱市，重溫呢一單令人心寒嘅「青蛙少年事件」。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee/mysticislandjc
EP77 - [殺妻] 港大張祺忠殺妻案
一個平時教書育人嘅大學教授，點解會變成冷血殺妻犯？一對表面睇落恩愛嘅夫妻，背後其實埋藏住幾多不為人知嘅語言暴力同精神折磨？當一條普通電線纏住喺其中一個條頸嘅時候，兇手究竟係一時衝動，定還是呢個，係長期壓抑爆發出嚟嘅結果？就等我哋返到去2018年夏天，香港大學宿舍，重溫呢一單震驚全港嘅張祺忠殺妻案。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee/mysticislandjc
EP76 - [兇殺] 名古屋西區婦女兇殺案
喺名古屋嘅一間民宅，封印住二十六年前一個血淋淋嘅下午。一位丈夫，用咗四份之一世紀嘅時間同所有積蓄，將兇案現場絲亳不改咁保留住，只係為咗搵出真相，還被殺嘅妻子一個公道。點解佢可以咁堅持？而佢嘅堅持，又可唔可以得到相應嘅回報呢 ？等我哋一齊返去1999年嘅日本名古屋，重溫呢單「名古屋西區婦女兇殺案」。感謝大家支持。You may support the channel with a coffee :)☕ https://buymeacoffee.com/mysticislandjc📝你嘅奇情故：https://forms.gle/54924zaUXzquBbsg8📱Telegram/ Instagram @mysticislandjc 🌳 https://linktr.ee/mysticislandjc
EP75 - [殺婿] 新加坡文達街殺婿案
想像一下：一個七十幾歲，拎住利刀嘅老伯，喺新加坡街頭，冷眼望住一個倒臥喺血泊中嘅女婿，唔單止冇伸手救援，反而張開雙手攔住想上前幫忙嘅途人。嗰一刻，你會點諗？係咪即刻覺得呢個老人家既恐怖、又冷血？係咪即刻想起「壞人變老」呢四個字？不過，事實係咪真係咁簡單呢？就等我地返去2015年新加坡，重溫呢單轟動獅城嘅「文達街殺婿案」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP74 - [謀殺] 新墨西哥州蜥蜴人狂熱者謀殺案
喺美國新墨西哥州嘅荒漠深處，有一件染血嘅襯衫被防水布緊緊包裹。呢件衫屬於一名馬來西亞裔女子，而包裹血衣嘅防水布上，留低咗兇手嘅DNA。最令人心寒嘅係，其中一個兇手堅信自己係為地球除害，仲話受害者其實係外星蜥蜴人女王⋯⋯今日要講嘅呢單案，要由一個自稱蜥蜴人王子嘅男人講起。究竟呢一單謀殺案，點解會同呢啲超自然嘅講法有關嘅呢？就等我哋返到去1993年美國德州，重溫呢一單「蜥蜴人狂熱者謀殺案」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP73 - [謀殺] 台灣新竹男子七度被殺案
當一個人接連遭遇多次致命意外，每一次都驚險逃生，你會唔會懷疑背後有啲嘢唔對路？一段平凡婚姻之下，竟然隱藏住一連串無法解釋嘅災難。今次要講嘅案件，係台灣治安史上最離奇、最詭異、最難破解嘅謀殺案之一。主角喺短短幾個月內，接連遇上車禍、火災、毒殺、砍殺等種種所謂「意外」，而每一次都奇蹟地生還。警方一度懷疑係黑幫尋仇、商業糾紛、甚至係靈異事件，但所有線索都指向空白。咁到底，係邊個咁狠心，七度設局要攞佢命？而呢個命運多舛嘅男人，又係咪真係注定難逃一劫？就等我哋返到去1999年嘅台灣新竹，重溫呢一單「男子七度被殺案」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc
EP72 - [誘拐] 南韓李亨浩誘拐事件
今日同大家講一單，當年轟動整個韓國嘅懸案，有個9歲小朋友喺自己屋企樓下俾人綁架。個綁匪為咗拎贖金，打咗超過60次電話，寫咗十幾封信，完全將警方同家屬玩到氹氹轉。最離譜嘅係，綁匪仲要成功喺班警察視線內拎走晒啲贖金。到底綁匪係點樣做到嘅呢？點解班警察會冇佢符？最後小朋友嘅下落又係點嘅呢？而疑兇又有可能係邊個呢？就等我地返到去1991年嘅韓國漢城（亦即係而家嘅首爾），重溫呢一單「李亨浩誘拐事件」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP71 - [性侵] 墨爾本「殘酷先生」連環性侵案
喺墨爾本寧靜嘅街道背後，曾經隱藏住一個令整個城市不寒而慄嘅黑影。究竟點解一個蒙面入侵者可以喺民居入面肆意妄為幾個鐘，之後又消失得無影無蹤？到底係乜野人，可以精心策劃連環罪行，多年來一直挑戰住警方嘅底線？就等我哋返到去1987年嘅澳洲墨爾本，重溫呢單轟動一時嘅「殘酷先生」連環性侵案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP70 - [失蹤] 荃灣城門水塘梁嘉敏失蹤案
今日要同大家探討一單困擾香港多年嘅失蹤案件，一個年輕有為嘅女仔，點樣喺光天化日之下消失得無影無蹤？點解多年後會有人聲稱收到佢嘅神秘托夢？呢個超自然現象係巧合、係騙局，定係真係有冤情未訴？就等我哋返到去1994年嘅香港荃灣，重溫呢一單撲朔迷離嘅梁嘉敏失蹤案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP69 - [颱風Bonus][謎殺] 台北洋房颱風命案
喺一個颱風咆哮、暴雨橫掃之夜，一棟本應空無一人嘅洋房，點解會閃出詭異火光？點解一名外國男子嘅屍體，會喺風雨最狂暴嘅時刻，出現喺台北市嘅呢座洋房之中呢？而門前嗰架全新房車，又暗示住佢有住點樣嘅身份同秘密呢？就等我哋返到去1962年嘅台北，重溫呢一單台北洋房颱風命案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP68 - [槍殺] 加州聖伊西德羅麥當勞大屠殺
一個陽光普照美國小鎮嘅下晝，點解會上演咗一場血色恐怖事件？一間平凡嘅快餐店，點解會變成殺戮戰場？槍聲響起嘅一刻，邊個會諗到惡夢先啱啱開始呢？就等我哋返到去1984年7月嘅加州聖伊西德羅，重溫呢一單麥當勞大屠殺。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP67 - [失蹤] 拉爾斯保加利亞離奇失蹤案
今次同大家講一個令人心寒嘅失蹤事件，一個普通旅行點樣變成永遠解唔開嘅謎團？一班好朋友去旅行，點解最後會唔見咗一個人嘅呢？究竟呢單失蹤案，係當事人遭遇意外、早有預謀、定係被謀害嘅呢？就等我哋返到去2014年嘅保加利亞，重溫呢一單拉爾斯保加利亞離奇失蹤案。🎥 拉爾斯於機場閉路電視下出現的身影：https://www.youtube.com/watch?v=VsqATIHqAqg感謝大家支持。You may support the channel with a coffee :)☕ https://buymeacoffee.com/mysticislandjc📱 Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP66 - [虐殺] 藍田童黨虐殺少女案
唔知大家有冇試過因為身材俾人笑？或者因為唔夠靚而自卑？今日要講嘅呢個真實故事，可能會令你心寒，但更加會令你反思。2004年，香港藍田一個200磅嘅少女，就因為『肥』呢個字，經歷咗人生最恐怖嘅72小時。佢以為自己終於搵到真心朋友，點知呢班所謂『朋友』，由最初嘅言語羞辱，慢慢變成拳打腳踢，最後竟然用硫酸毀屍。究竟點解一班十幾歲嘅後生仔可以殘忍到咁？點解冇一個人願意停手？就等我地返到去2004年嘅藍田，重溫呢一單曾經轟動全港嘅童黨虐殺少女案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP65 - [謎殺] 花蓮五子命案
2006年，喺台灣花蓮市，有一處人家嘅屋企竟然發現五具冰冷嘅屍體，其中四位仲係未成年者，佢哋都係兄弟姐妹，而呢五位死者嘅父母就離奇消失，經調查將佢地鎖定為嫌疑人。刑警喺嫌疑人公司入面搵到咗部相機，入面記錄嘅嘢，令身經百戰嘅刑警都難以忍受。咁到底，係邊個害死呢五兄弟姐妹呢？小朋友嘅父母又去左邊度呢？相機入面記錄嘅嘢，又係啲乜呢 ？就等我哋返到去2006年嘅台灣花蓮市，重溫呢一單五子命案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP64 - [劫案] 英國火車大劫案
究竟一個成日偷嘢嘅慣犯，點樣變成轟動全國嘅火車大盜，仲偷走咗價值二百六十萬英鎊嘅財物？最離譜嘅係，佢俾人拉咗之後，竟然仲可以成功越獄，展開長達三十六年嘅大逃亡生涯。究竟，佢點樣喺警方布下嘅天羅地網之下，逍遙法外咁多年？佢又點樣將自己嘅犯罪生涯，包裝成傳奇故事，甚至名利雙收？就等我哋返到去二十世紀嘅英國，重溫呢單當年轟動全球嘅「英國火車大劫案」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP63 - [縱火] 東京柴又女大學生放火被殺案
1996年，一個21歲嘅上智大學高材生，已經拎到美國西雅圖大學嘅交換生資格，行李都執好晒，就喺出發前兩日，佢被發現陳屍喺自己屋企，更詭異嘅係，凶手殺人後竟然放火燒屋！究竟係咩深仇大恨，要對一個就快展開留學生活嘅女大學生下此毒手？2021年，東京警視廳突然公布，新版嫌疑犯畫像，係咪意味呢單沉積25年嘅懸案終於有突破？就等我哋返到去1996年嘅日本東京葛飾區，重溫呢一單「柴又女大學生放火被殺案」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP62 - [食人] 泰國細偉疑似食人案
喺陽光普照嘅泰國，除咗沙灘同美食之外，你有冇諗過，喺曼谷嘅一間博物館入面，竟然擺放住一具令人毛骨悚然嘅乾屍？呢具乾屍背後，隱藏住一單多年前轟動全國嘅食人案，但係真相係咪真係咁簡單？點解幾十年後，突然有過萬人聯署要求將佢落葬？就等我哋先返到去2019年嘅泰國，重溫呢一單「泰國細偉案」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP61 - [謎案] 俄亥俄州瑟克爾維爾匿名信事件
喺美國俄亥俄州一個平平無奇嘅小鎮，突然出現一個神秘寫信人，佢唔單止知道晒街坊鄰里嘅秘密，仲要將呢啲秘密寫成恐嚇信四處散播。究竟呢個人係點樣洞悉所有人嘅私隱？佢嘅動機又係咩？當恐懼好似瘟疫咁蔓延，原本和睦嘅社區開始互相猜疑，甚至有人因此喪命...就等我哋返到去1976年，重溫呢一單困擾小鎮多年嘅「瑟克爾維爾匿名信事件」。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP60 - [邪教] 銅鑼灣邪教菲婦殺童案
1982年5月嘅一個傍晚，銅鑼灣同平日一樣車水馬龍，人潮逼滿街道。喺繁華嘅街頭，點解會突然有兩團血肉模糊嘅物體從天而降？更詭異嘅係，警方到場後喺案發大廈發現四張不同姓名嘅身份證，同埋一張寫喺紙巾上面嘅遺書。而呢兩個血肉模糊嘅物體，竟然係用白布綁住手嘅母子屍體。背後究竟隱藏住啲乜野程度嘅嘅絕望同瘋狂？而呢個母親，點解會將自己同親生骨肉推落萬劫不復嘅深淵？就等我哋返到去1982年嘅銅鑼灣高士威道灣景大廈，重溫呢一單邪教菲婦殺童案。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP59 - [滅門] 東京練馬一家五口殺害事件
你有冇諗過，一個人可以為咗錢去到幾盡？當利益同道德嘅界線變得模糊，人性會扭曲成點？一單房地產交易，又何以變成滅門慘案？泡沫經濟時期嘅瘋狂，又點樣將一個普通人變成冷血殺手？就等我地返到去1983年嘅東京練馬區，重溫呢一單練馬一家五口殺害事件。感謝大家支持。You may support the channel with a coffee :)☕ https://buymeacoffee.com/mysticislandjc📱Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP58 - [謎案] 巴西鉛面具案
喺六十年代巴西嘅某一日，兩個事業有成嘅電子工程師，竟然被發現無端端死喺荒山野嶺，而且身上仲戴住古怪嘅鉛製面具。兩個人，仲要排排瞓喺樹葉鋪成嘅「床」上面，死狀都好奇怪嘅。最詭異嘅係，鄰居話佢哋死前仲講過要「拯救世界」——究竟佢哋遇到咗啲乜野呢？成件事嘅來朧去脈又究竟係點嘅呢 ？就等我哋返到去1966年8月嘅巴西，重溫呢一單「巴西鉛面具案」。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP57 - [兇殺] 康州譚普街停車場兇殺案
一個年輕嘅生命，點解會喺光天化日之下，喺鬧巿被人奪走？兇手點樣可以喺人來人往嘅停車場犯案，但就逍遙法外廿幾年？係執法部門無能，定係兇手真係咁狡猾？最後，刑偵專家李昌鈺博士嘅出現，又點樣令到案件真相水落石出呢？就等我哋返到去1973年美國康涅狄格州紐黑文市，重溫呢一單譚普街停車場兇殺案。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP56 - [屠殺] 伊利諾州炸雞店屠殺案
1993年，喺美國嘅伊利諾州一個寧靜小城入面，坐落住一間由一對夫婦經營嘅炸雞店，並請咗五名職員幫忙工作。佢哋每一個人都為咗自己小小嘅夢想喺度奮鬥，但係冇諗過，一個飄住大雪嘅夜晚，一間炸雞店內嘅7名員工，一夜之間都成為咗槍下亡魂，全數遇害，無一倖免。辦案嘅刑警喺多年後，回憶起見到案發現場嘅嗰一幕，仍然心有餘悸。佢話 ：「一打開門，我見到一具具屍體被堆埋一齊，地上全係血跡同子彈殼⋯⋯」從1993年案發，案件一直懸而未破。直到9年後，因為一個証人自述，結合一個令人震驚嘅破案關鍵，先至令屠殺案才真相大白。咁到底，關鍵係啲乜野呢？又有邊個咁機智，搵到呢個關鍵呢？兇手又係邊個呢？就等我哋返到去1993年嘅美國伊利諾州，重溫呢一單炸雞店屠殺案。感謝大家支持。You may support the channel with a coffee :)☕ https://buymeacoffee.com/mys
EP55 - [山難] 北海道旭岳SOS白骨案
喺北海道嘅雪山深處，突然出現一個巨大嘅「SOS」求救信號，但當搜救隊千辛萬苦趕到現場，竟然只發現一具白骨——究竟發生咗咩事？求救者係邊個？現場點解最後只剩低副骸骨？係意外定係謀殺？最詭異嘅係，呢個「SOS」信號到底點樣喺荒山野嶺憑空出現？就等我哋返到去1989年7月，日本北海道旭岳，重溫呢一單「北海道旭岳SOS白骨案」。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP54 - [肢解] 打鼓嶺坪洋新村女童肢解案
想像一下，喺凌晨時分，當你望住漆黑一片嘅樹林，見到幽幽綠光閃爍，耳邊傳來女童嘅淒厲喊聲，你會點做？如果突然有個冇咗雙手嘅細路女問你「有冇見到我的手」，你又會點答？呢個流傳喺新界北打鼓嶺嘅恐怖傳說，背後隱藏住一單令人心寒嘅真實案件……就等我哋返到去1981年，香港打鼓嶺坪洋新村，重溫呢一單「女童肢解案」。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP53 - [拋屍] 英國煤堆拋屍案 + 一週年 Q&A
喺上年嘅6月頭，奇情島同大家見面，到而家原來已經啱啱好一週年。喺呢度，好想同各位聽眾講句，多謝大家一路支持。喺講case之餘，都想襯節目一週年同大家傾吓計。今集想同大家講嘅，係一單世界歷史上嘅不解之謎，上世紀英國發生嘅一件懸案。1980年某一日，英國西約克郡嘅托德莫登警署接到報案，有一名男子聲稱自己喺一處高度約4米左右嘅煤堆上發現咗一具屍體。不過，佢嘅鞋底同手掌竟然都冇煤炭殘留。咁究竟，佢係點樣去到煤堆嘅頂部呢？佢又係俾邊個，又或者係啲乜野，整死嘅呢？感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/m
EP52 - [綁架] 慕尼黑箱中女孩綁架案
你知唔知道喺風景如畫嘅德國慕尼黑，曾經發生過一單令全德國震驚嘅綁架案？一個天真爛漫嘅十歲女仔，點解會喺放學路上突然消失？綁匪究竟係咩人？佢哋嘅勒索手段又點解會咁古怪？就等我哋返到去1981年嘅德國阿默爾湖，重溫呢一單「慕尼黑箱中女孩綁架案」。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP51 - [失蹤] 愛荷華州送報男童失蹤之謎
一個小朋友送報紙途中突然消失，父母將佢個樣印喺牛奶盒上，希望全城幫手搵人。其後，有好多證據顯示，失蹤多年嘅小朋友竟然仲生存緊，但係由於某啲原因，無法返屋企同父母團聚。究竟係咩造成骨肉分離嘅局面？究竟係邊個阻止佢同家人團聚？背後隱藏住啲乜野不可告人嘅秘密？就等我地返到去1982年美國愛荷華州，重溫呢一單送報男孩失蹤之謎。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP50 - [尋母] 溫哥華湯遠熙案
2012年6月，喺加拿大溫哥華嘅街頭，有一對父子正焦急地走向人群，發放尋人啟事，而尋找嘅，正正係阿仔嘅媽媽。個仔睇落文質彬彬，有行人接過佢尋人啟事嘅時候，佢都會禮貌噉講一聲唔該。過咗一段時間之後，體貼嘅阿仔仲勸爸爸返中國照顧生意，坐當日下午嘅飛機返國，留低佢一個人繼續搵失蹤嘅媽媽。呢單睇落係一單普通嘅失蹤案件，但背後就隱藏住一個重大嘅陰謀。噉到底，嗰位媽媽點解會失蹤嘅呢？而佢嘅下落又係點呢？呢個重大嘅陰謀，究竟係啲乜野呢？就等我哋返到去2012年嘅溫哥華，重溫事情發展嘅經過。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https:/
EP49 - [情殺] 荔景邨雙屍情殺案
如果有人喺午夜聽到有高踭鞋不斷嘅踱步聲，咁究竟係代表嗰度冤魂不散定係佢本人心理作祟？一棟被封死嘅公屋凶宅，點解幾十年來仍然傳出詭異聲響？1984年嘅一個夜晚，點解會令到荔景邨樂景樓從此多咗個「鬼屋」嘅稱號？就等我地返到去1984年嘅葵涌荔景邨，重溫呢一單轟動全港嘅荔景邨雙屍情殺案。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP48 - [謎案] 加州尤巴城五人雪夜謎案
五個智力有缺陷嘅後生仔，點解會喺睇完波之後連人帶車消失得無影無蹤？佢哋架淺藍色私家車最後停喺荒山野嶺，車門大開，車匙唔見咗，但係車入面嘅零食包裝紙就整整齊齊咁擺咗喺度。最詭異嘅係，距離架車13公里外，竟然有個目擊者話聽到女人同BB嘅喊聲，但係轉個頭啲聲就消失得無影無蹤。究竟當晚發生咗啲乜野事？點解五個後生仔會棄車，走入冰天雪地？佢哋係咪見到咩唔應該見到嘅嘢？定係有人帶佢哋去咗一個永遠都返唔到轉頭嘅地方？就等我哋返到去1978年2月24日晚上，加州州立大學奇科分校，重溫呢一單「加州尤巴城五人雪夜謎案」。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticisla
EP47 - [滅門] 紐西蘭貝恩家庭滅門案
今日要講嘅係紐西蘭嘅著名滅門奇案。1994年6月20號，朝早7點02分，紐西蘭達尼丁警局接到一通報警電話，電話中嘅男人一路喊，一路講：「佢哋都死晒呀，我返到屋企發現佢哋都死晒呀。」接報警員，以為只係男子屋企出咗啲咩意外，所以只係派咗4名警員過嚟睇下。但係出乎佢地嘅意料，呢一單係一單耐人尋味嘅滅門案。咁到底，事情嘅始末都底係點嘅呢？兇手又都底係邊個呢 ？就等我哋返到去1994年嘅紐西蘭，重溫事情發展嘅經過。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP46 - [劫機] D.B.庫柏劫機之謎
今日要講嘅，係美國一單傳奇劫機案。你有冇諗過，一個睇落斯斯文文嘅中年男人，可以喺飛機上單人匹馬劫機？仲要成功拎走20萬美金，然後消失得無影無蹤？究竟佢係天才罪犯定係純粹好運？點解FBI追查咗幾十年都捉唔到人？就等我哋返到去1971年美國波特蘭，重溫呢一單「D.B.庫柏劫機之謎」！感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP45 - [食人] 德國食人魔
人食人，喺人類文化被視為最高嘅禁忌，呢樣嘢喺而家嘅任何國家，同現代文化，幾乎都係唔可以容忍嘅。但係，喺二十一世紀初嘅德國，就曾經出現過一個食人魔，佢唔單止食人，仲將成個肢解同食人過程拍落嚟，更令人匪夷所思嘅係，被佢食嘅人竟然係自願嘅。咁到底，呢個食人魔究竟係點樣招募願意被佢食嘅人嘅呢？而自願被食嘅人，佢嘅心理狀態又係點嘅呢？就等我哋返到去2001年嘅德國，重溫事情發展嘅經過。感謝大家支持。You may support the channel with a coffee :)☕ https://buymeacoffee.com/mysticislandjc📱[NEW!] Instagram @mysticislandjc📱 Telegram @mysticislandjc🌳 https://linktr.ee/mysticislandjc
EP44 - [失蹤] 澳洲博蒙特三姐弟失蹤案
今日要講嘅，係一個令全澳洲心碎嘅案件：三個天真爛漫嘅小朋友，喺陽光燦爛嘅澳洲國慶日，竟然喺眾目睽睽之下消失得無影無蹤。有人話，佢哋被困喺某個陰暗嘅角落；甚至有人話，佢哋根本冇離開過海灘。咁究竟邊個先係真相呢 ？兇手又到底係邊個呢？以而家嘅科技，又能否解開呢個陳年懸案？就等我哋返到去1966年澳洲南部嘅阿德萊德，重溫事情發展嘅經過。
EP43 - [烹夫] 新加坡咖哩烹夫案
殺人分屍案喺世界各地都曾經發生，其中1985年澳門八仙飯店滅門命案引來外界揣測一眾死者嘅遺體被製成人肉叉燒包出售，當時令港澳民眾一度對叉燒包心生恐懼，無獨有偶，新加坡80年代亦發生左一單奇案，一名對妻子家暴嘅男子突然人間蒸發，而當地就盛傳佢嘅屍體，被煮成人肉咖哩飯。咁到底，事件嘅來龍去脈究竟係點樣嘅呢？最後，凶手有冇被捉拿歸案？就等我哋返到去1984年嘅新加坡，重溫事情發展嘅經過。
EP42 - [碎屍] 銅鑼灣怡華大廈金山槓碎屍案
今集要講嘅，係香港戰後首宗碎屍案。碎屍案，如今已經係屢見不鮮，但係上世紀60年代，殺人碎屍，係一件鮮有聽聞嘅事。今日要講嘅，係一單發生喺1965年嘅，銅鑼灣怡華大廈嘅碎屍案。有人被殺害碎屍之後，被裝入一個箱入面，並且喺鬧市之中來回運送，招搖過市，由於當時嘅香港，自開埠以來尚未發生過碎屍案件，呢單案一出，震驚全港。咁到底，死者究竟係邊個呢？兇手又點解碎屍嘅呢？就等我哋返到去，1965年嘅香港，重溫呢一單怡華大廈金山槓碎屍案。
EP41 - [人質] 瑞典劫案與斯德哥爾摩症候群
可能好多聽眾都有聽過「斯德哥爾摩症候群」（Stockholm syndrome），呢個心理學現象。「斯德哥爾摩症候群」主要係指，人質喺壓力情況下，開始對劫持者產生情感共鳴。但大家又知唔知道，呢個心理學現象嘅命名，係源自上個世紀七十年代，喺瑞典首都斯德哥爾摩，發生嘅一單銀行綁架案嘅呢？到底呢單綁架案嘅來龍去脈係點樣㗎呢？銀行人質嘅心理變化又係點樣㗎呢？就等我哋返到1973年嘅瑞典斯德哥爾摩，重溫事情發展嘅經過。
EP40 - [失蹤] 瑪德琳失蹤事件
今日要講嘅係21世紀，歐洲第一大失蹤案，就係2007年嘅，英國女童瑪德琳葡萄牙失蹤事件。自瑪德琳喺葡萄牙嘅度假村神秘失蹤之後，各國警方花費咗1300萬英鎊（折合港幣一億一千萬元），動用警力同私家偵探黎搵佢。呢單案件嘅報導數量，不下於戴安娜王妃嘅死訊。對於歐洲人嚟講，即使冇聽過呢單案，可能都曾經喺過尋人啟事嗰度，見過有關瑪德琳嘅相。咁到底，瑪德琳失蹤事件嘅來龍去脈究竟係點嘅呢？就等我哋返到去2007年嘅葡萄牙，重溫事情發展嘅經過。
EP39 - [姦殺] 日本光市母女殺害事件
2006年4月，日本一所法院，對關於7年前嘅一宗強姦殺人案，進行再次審判，被害人家屬本村洋，手上捧住妻女嘅遺像，神情悲痛咁進入咗審判現場。 另一邊嘅被告人，福田孝行，著住拖鞋，神態自若咁走出嚟。佢向本村洋報以一個蔑視嘅眼神，好似勝利者咁，高傲咁行到去被告席上。一切都多得，日本《少年法》對佢嘅保護。 喺7年前，福田孝行行兇時仍未成年。咁到底，呢個福田孝行究竟係啲乜野人， 點解要殺害本村洋嘅妻女呢？經歷多次審判之後，佢最後能唔能夠逍遙法外？就等我哋先返到去1981年嘅日本山口縣，重溫呢一單「光市母女殺害事件」。
EP38 - [情殺] 油塘高超道邨電梯情殺案
喺驚悚恐怖片入面，空間狹小嘅升降機往往成為咗命案嘅場景，但由於升降機嘅複雜構造同埋密閉空間，呢類事件喺現實中比較罕見，但喺歷史上就的確發生過。早喺多年前嘅香港，就曾經發生過一宗「電梯情殺案」。而呢單案件，無論由犯罪動機，定係過程嚟睇，都非常曲折離奇，當中仲牽涉住兩男一女之間嘅關係。而呢單升降機情殺案嘅起因，竟然係因為一場偏執嘅「單戀」。究竟案件背後，有住點樣嘅離奇故事呢？就等我哋返到去1984年嘅油塘，重溫呢一單高超道邨電梯情殺案。
EP37 - [謎案] 藍可兒命案
2024年3月9日，洛杉磯市中心黃金地段嘅，塞西爾酒店（Cecil Hotel），掛牌出售。自從塞西爾酒店建成之後，就同謀殺、自殺事件糾纏喺一齊，著名嘅「藍可兒命案」，成為塞西爾酒店嘅恐怖標籤。據統計，至少有16人喺塞西爾酒店喪命，而其中最詭異嘅案件，莫過於藍可兒命案。塞西爾酒店嘅出售，令呢單停滯咗10年之久嘅案件，再次進入大眾視野，好多人回顧藍可兒命案嘅，相關細節嘅時候，都認為塞西爾酒店可能受到詛咒。但近期，唔少藍可兒案件嘅細節披露，其中呈現嘅真相令人啞口無言。咁到底，藍可兒事件嘅來龍去脈，究竟係點嘅呢？就等我哋返到去2013年嘅洛杉磯，重溫事情發展嘅經過。
EP36 - [綁架] 申相玉及崔銀姬綁架事件
上個世紀70年代，一個南韓女明星同佢嘅前夫被人綁架到外地，但綁架目的竟然唔係為錢，亦都同任何私人仇怨完全冇關係，而只係因為前夫嘅才華。喺佢地被綁期間，仲製作咗好多部電影，其中一啲仲得到過國際獎項。咁到底，係邊個綁架佢哋嘅呢？佢哋到底有乜嘢用心？最後兩個人嘅命運又會係點呢？就等我哋返到上世紀嘅南韓，重溫呢一單申相玉同崔銀姬嘅綁架事件。
EP35 - [求生] 亞馬遜四孩求生記
今日我哋要講嘅係一個令人難以置信嘅奇蹟故事。喺一次發生喺亞馬遜森林嘅空難入面，只有4個小朋友幸存咗落嚟，一個生存考驗隨即開始。4個小朋友年紀最大嘅先至13歲，最細嘅只得11個月。孤獨嘅佢哋，需要面對人煙罕至、到處都係危險嘅熱帶雨林。咁到底，4個小朋友究竟經歷咗啲乜野嘅磨難呢？就等我哋先返到去2023年，重溫呢一單亞馬遜四孩求生記。
EP34 - [虐殺] 馬里蘭州瑜伽用品店謀殺案
2011年3月12日，喺美國馬里蘭州貝塞斯達市嘅一間運動服裝同瑜伽品牌店鋪入面，兩名店員被發現雙雙倒臥喺店鋪不同位置，身上仲充滿血跡。而收銀櫃，入面嘅現金，就全部俾拎走，睇黎，就好似發生咗一單殺人同盜竊案 。但警方深入調查後，發現事情冇想像中咁簡單，而一切起因竟然係黎自一條價值只係120蚊美金嘅瑜伽褲。咁到底，當中發生咗啲乜嘢事呢？就等我地返到去2011年3月嘅美國馬里蘭州，重溫事情發展嘅經過。
EP33 - [藏屍] 銅鑼灣花槽藏屍案
喺20世紀80年代，香港發生咗轟動全城嘅，花槽雙屍案。案發嘅時候，警方努力調查，傳媒同市民都有各自嘅講法，但真依然尚未查明。 事隔26年之後，又有一單離奇嘅死亡事件，睇黎同呢單案件有關，令呢個懸案再次引起大眾注意。究竟係乜嘢原因，令呢單命案難以破案？又有啲乜嘢陰謀，隱藏喺呢單命案背後嘅呢？ 就等我哋返到去1984年嘅銅鑼灣，重溫事件發展嘅經過。
